كااين جوج حواايج مهمة متعلقة بالرواة ديال الحديث لي تتحدد واش الحديث مقبول و صحيح، ولا ضعيف و مرفوض: العدل و الضبط ديال الراوي. و العلماء داروا واحد الشروط صارمة بااش يحددوا هاد المساائل. و غاادي نشوفوا شرح بسيط لهاد المسائل.

1️⃣ العدل

العدل تيشير للنزاهة و التقوى ديال الراوي. بااش داك الراوي ديال الحديث يكون مقبول و داايز، خااصوا يكون متوفر على مجموعة ديال الشروط دينية صاارمة. العلماء تيشوفوا الشخصية ديال داك الإنسان و الأخلاق ديالو، و حتى تيتأكدوا أن داك الشخص نزيه، متقي الله، صادق، عادل، و ماعمروا ماقتاارف حتى شي كبيرة من الدنوب. بإختصاار، خاصوا يكون شي وااحد لي تيخااف و متقي الله.

🔴 علااش مهم؟: العدل ديال الراوي مهم بزااف لاحقاش يلا كان الإنسان معروف عليه الكذب فحيااتو اليومية، الخداع، الغيبة، النميمة، و غيرهاا، مايمكنش تيق فيه بااش يبلغ ليك كلام الرسول. و المعايير ديال العدل هوما هادوا:

🔵 التقوى: خاص الراوي يكون مسلم متقي الله.

🔵 النزاهة و الصدق: الراوي خاصوا يكون معروف بالصدق و الأمانة.

🔵 الإبتعاد عن الكبائر: اي شخص لي مقترف كباائر الذنوب، ماغاديش يكون ثقة.

2️⃣ الضبط

المسألة الثانية المهمة فالراوي هي الضبط. الضبط هو الدقة فالحفظ و نقل الأحاديث. تتركز على الذاكرة ديال الراوي، و الإنتباه ديالو للتفاصيل، و القدرة على أنه ينقل كلام الرسول بالحرف، و ماخاصوش يخطأ ولا يغير ولا ينسى تفاصيل مهمة فااش يكون تينقل الحديث.

🔴 علااش مهم؟: يقدر يكون الراوي معروف بالأخلاق و النزاهة ديالو، و متقي الله، و تكون فيه گااع دوك الصفات الزوينة. و لكن يلاا غير قادر على أنه يحفظ احاديث و يتذكرهوم بالحرف، ديك السااعة الرواية ديالو ماغاديش تقبل. و السبب هو أنه ممكن تغير غي شي معلومة بسيطة و يتغير المعنى ديال الحديث ولا الترتيب ديال الاحداث و النتيجة غاادي تكون كارثية. و المعايير ديال الضبط هوما هادوا:

🔵 ذاكرة قوية: الراوي خاص تكون عندو ذاكرة قوية و مايرتكبش أخطاء فاش يستذكر الأحاديث.

🔵 الدقة: استظهار الحديث خاصوا يكون بنفس الكلمات و العبارات لي قال الرسول، ماشي عبارات مختلفة وااخا تكون تتوصل نفس المعنى.

🔵 المطابقة: الأحاديث دياال الراوي خاصها تكون مطابقة للأحاديث لي رواوها ناس اخرين معروفين بالعدل و الضبط ديالهوم.

3️⃣ علاش العدل و الضبط مهمين؟

التقييم ديال الرواة من خلال العدل و الضبط مهم بزااف فتحديد الصحة ديال الحديث. يلا كان الراوي معروف بالعدل و الضبط، ديك الساعة الحديث يعتبر فالغالب صحيح. أما يلا الراوي كان نااقص فالعدل أو الضبط، ديك الساعة الحديث ممكن يتعتبر ضعيف ولا حتى مكذوب من الأساس.

4️⃣ كيفاش العلماء تيقيسوا العدل و الضبط ديال الرواة؟

🟠 السمعة ديال الراوي: العلماء فاش كان تيجمعوا الأحاديث، كانوا تيشوفوا الراوي واش معروف عليه العدل و الضبط فالمجتمع ديالو ولا لا.

🟠 مراجع مختلفة: العلماء تيشوفوا واش الرواية ديال الشخص مطابقة للروايات الأخرى. يلا مجموعة ديال الرواة نقلوا الحديث بنفس الطريقة، ديك الساعة الحديث تيكون موثوق كتر.

🟠 موثوقية المصادر: العلماء كانوا تيشوفوا حتى النااس لي دوك الرواة تعلموا على يديهوم، المصادر ديالهوم. يلا كان حديث مروي من طرف شخص لي تعلم من علماء كبار، ديك الساعة الحديث تيكون موثوق كتر.

5️⃣ خلاصة

مفهومي العدل و الضبط هوما أسس مهمة فالتأكد من الحديث واش صحيح ولا لا. يلا كان الإنسان متقي الله (العدل) و عندو ذاكرة قوية (الضبط) ديك السااعة الحديث تيلقى القبول، و هكاا تنضمنوا أن الأحاديث ديال الرسول صلى الله عليه و سلم تحفظ.

دخل لهاد الليان، طيليشاارجي كتااب "علم الحديث بالدارجة"، و بدا الرحلة ديالك ففهم، إكتشااف، و الدفاع عن السنة 👇👇

تحميل كتاب "علم الحديث بالدارجة"