1️⃣ تعريف الحديث الحسن

من بعد ماشفنا التعريف ديال الحديث الصحيح لي قلنا هو علامة الجودة ديال الأحاديث، غادي ندوزوا دابا للحديث الحسن. الحديث الحسن هو الثاني فالجودة و الصحة من بعد الحديث الحسن، و عندوا نفس المعايير تقريباا من غير إختلاف واحد بسيط فالضبط ديال الرواة.

و التعريف التقني دياالو هو: "الحديث الحسن هو ما اتصل سنده بنقل عدل لم يكن مستوى الضبط عنده على نفس المستوى المشترط في الصحيح، وسلم من الشذوذ والعلة." غاادي نقسموا هاد التعريف للمعايير و الشروط لي مكون منها:

🔵 إتصال السند بحال الصحيح

🔵 عدالة الرواة بحال الصحيح

🔵 ضبط الرواة بدرجة أقل من الصحيح

🔵 عدم العلة

🔵 عدم الشذوذ

2️⃣ إتصال السند

بحال الصحيح، السلسلة ديال النااس لي تتنقل الحديث عن الرسول خاصها تكون مسترسلة و متماسكة، يعني واحد تيعااود على الشخص لي سمع الحديث منو مبااشرة. ماخاصش يكون شي نقص فهاد السلسلة. يعني هاد المسألة لولة بحالها بحال الحديث الصحيح.

3️⃣ عدالة الرواة

بحال الحديث الصحيح، الرواة ديال الحديث الحسن تيكونو ناس متاقيين الله، بعادين على الفسق و الفجور، و معروفين بالصدق.

4️⃣ ضبط الرواة بدرجة أقل

هناياا فين كااين الفرق ما بين الحديث الحسن و الصحيح. تيكون الرواة ديال الحديث الحسن معروفين بالحفظ ديالهوم و لكن مااشي لنفس الدرجة ديال الرواة ديال الحديث الصحيح.

رواة الحديث الحسن ممكن يقترفوا شي أخطاء بسااط فالروايات ديال الحديث، و لكن دوك الأخطاء و الإختلافات ماتتطعنش فالصحة ديال الحديث بصفة عاامة. بحال شي حد تيعاود ليك قصة لي سمع لعام لفايت، يقدر يكون نسا شي تفاصيل بسااط و لكن الفكرة الأساسية ديال القصة تتبقى نفسهاا.

5️⃣ عدم العلة و الشذوذ

بحال الحديث الصحيح، الحديث الحسن تيكون خالي من اي علة و عيب لي ممكن يأثر على سلامة الحديث، و ماتيكونش فيه أي تناقض من القرٱن ولا مع الأحاديث الصحيحة. ممكن يكون فقط بعض الإختلافات فالتعبير و الكلمات مقارنة مع الحديث الصحيح، و لكن ماشي معنى مغااير.

كان هذا شرح مبسط للحديث الحسن. فالجزء المقبل غاادي نشوفوا شنو هو الحديث الحسن.

دخل لهاد الليان، طيليشاارجي كتااب "علم الحديث بالدارجة"، و بدا الرحلة ديالك ففهم، إكتشااف، و الدفاع عن السنة 👇👇

تحميل كتاب "علم الحديث بالدارجة"