1️⃣ تعريف الحديث المعضل

المرة الفايتة هضرنا على الحديث المرسل، و قلنا بلي هو حديث لي تيكون التابعي نقز على الصحابي لي سمع منو الحديث و تيمشي مباشرة للنبي صلى الله عليه و سلم. يعني ديك السلسلة ديال الرواة تيكون فيها نقص.

الحديث المعضل، نفس الشيء تا هو. غي هاد المرة ماتيكونش نااقص غي شخص واحد، و لكن تيكون نااقص جوج ديال النااس ولا حتى كتر. مثلاا، غاادي يكون فالرواة ديال الحديث ناقص الصحابي (بحال المرسل) و التابعي. و يلا غاادي يكون نااقص تابعي، و تاابع التابعي. مهم جوج ديال الرواة ناقصين.

و الشرط فيه هو يكونوا دوك جوج الأشخاص لي سقطوا من سلسلة الرواة متابعين. يعني يكون سقط الصحابي و التابعي لي موراه مباشرة. ولا يكون سقط التابعي و تابع التابعي لي جااي مورااه. مااشي يكون سااقط الصحاابي و تابع و التابعي. هاادي لا.

يعني بحال يلا كااين جد، أب، و لحفيد. بااش يكون الحديث معضل، خااص يكون طاايح من سلسلة الروااة الجد و الأب. أولاا، يكون طاايح الأب و الحفيد. فهاد الحالاات بجوج تيكون الرواة لي طايحين متابعين. لي ماااشي مقبول هو يكون طاايح الجد و الحفيد حيت هااد الجوج هاادو ماشي متابعين.

و بطبيعة الحاال، هااد الحديث تيتعتبر ضعيف حيت بحال الحديث المرسل لي شفنا من قبل، هذا ناقصين الرواة من السند.

2️⃣ مثاال

ما رواه الحاكم بسنده إلى القعنبي عن مالك أنه بلغه أن أبا هريرة قال: «قال رسول الله صلى الله عليه و سلم: للمملوكِ طعامُهُ وكسوتُهُ بالمعروفِ ، ولا يُكَلَّفُ من العملِ إلا ما يطيقُ».

🟢 هذاا حديث معضل حيت لاحقااش جوج ديال الرواة ساقطين مبااشرة ما بين مالك و أبى هريرة.

كان هذا شرح مبسط للحديث المعضل. فالجزء المقبل غاادي نقارنوا ما بين الحديث القدسي و النبوي.

دخل لهاد الليان، طيليشاارجي كتااب "علم الحديث بالدارجة"، و بدا الرحلة ديالك ففهم، إكتشااف، و الدفاع عن السنة 👇👇

تحميل كتاب "علم الحديث بالدارجة"