1️⃣ تعريف الحديث المرسل

قبل هضرنا على الحديث المسند، و قلنا بلي هو الحديث لي السند ديالو متصل، تيكون واحد تابع التابعي تيروي الحديث على التابعي، و التابعي تيروي حديث عن الصحابي، و الصحابي تيروي الحديث على النبي صلى الله عليه و سلم. يعني تتكون السلسلة ديال الحديث متصلة بدون أي إنقطاع.

الحديث المرسل مختلف. الحديث المرسل تيكون التابعي تيروي الحديث مباشرة على النبي صلى الله عليه و سلم، و تيكون منقز على الصحابي. فالحديث المرسل ماتيكونش عندك صحابي فسلسلة الرواة، تيكون منقزين عليه.

كيماا قلنا التابعي هو تلميذ الصحابي، يعني تيكون التلميذ روى الحديث و نقز على المعلم ديالو لي هو الصحابي. واخاا هو راه تيكون سمع الحديث من عند الصحابي، و لكن فاش تيجي يروي الحديث، تيرويه على الرسول مباشرة.

2️⃣ وااش تنخدموا بالحديث المرسل؟

الجواب القصير هو لا. يلا عاقلين فااش هضرنا على الحديث الضعيف، قلنا بلي راه العلماء تيقسموه ل 49 نوع. و راه هاد الحديث المرسل نوع من الأحاديث الضعيفة.

و الأحاديث المقبولة لي تيسدلوا بيها العلماء فالأحكام الشرعية هي الصحيح و الحسن لي تيكون السند ديالها متااصل. أما حديث لي نااقص السند ديالو مايتكونش مقبول لااحقااش باش عرفناا واش هاد الحديث راوييه صحاابي لي معروف بالعدل و الضبط ولا شي شخص مجهول.

و لكن كاين علماء وحدين خرين لي تيقولك ماعليش نستدلوا بيه يلا كان شي حديث اخور تيشبه ليه و يلا توفروا شي شروط أخرى، بحاال أنه يكون شي حديث اخور مسند بنفس المعنى، يكون حديث اخور مرسل لي راويه شي تابعي اخور، يكون شي قول ديال صحابي معروف، ولا يكون إتفاق ديال العلماء.

3️⃣ مثال

روى مالك عن زيد بن أسلم عن عطاء بن يسار أن رسول الله -صلى الله عليه وسلم- قال: (أنَّ شدَّةَ الحرِّ من فيحِ جَهَنَّمَ فإذا اشتدَّ الحرَّ فأبرِدوا عنِ الصَّلاةِ)

🟢 هذا حديث مرسل لاحقااش لي رواو هاد الحديث من التابعين و اخر واحد لي قبل الرسول - عطاء بن يسار - تا هو من التابعين لي تزاد سنة 29 هجرية و فاش روا الحديث نقز الصحابي لي سمعوا منو.

كان هذا شرح مبسط للحديث المرسل. فالجزء المقبل غاادي نشوفوا شنو هو الحديث المعضل.

دخل لهاد الليان، طيليشاارجي كتااب "علم الحديث بالدارجة"، و بدا الرحلة ديالك ففهم، إكتشااف، و الدفاع عن السنة 👇👇

تحميل كتاب "علم الحديث بالدارجة"