من بعد ماشفنا أنواع مختلفة ديال الأحاديث على حسب الصحة ديالها لي كانت: صحيح، حسن، ضعيف، و موضوع. داباا غاادي نشوفوا تقسيم اخور للأحاديث لي متعلق بالسند (سلسلة الرواة)، و هاد التقسيم تيشمل هاد المصطلحات: حديث مسند، مرسل، و معضل.

1️⃣ شرح الحديث المسند

الحديث المسند هو الحديث لي السلسلة ديال الرواة ديالو غاادة من شخص لشخص اخور حتى وصلاات للنبي صلى الله عليه و سلم. يعني تيكون شي صحابي رااويه على صحابي اخور و الصحابي راويه على النبي مبااشرة. يعني سلسلة لي مافيهاش النقص.

التعريف التقني ديالو فعلم الحديث هو " المسند هو الذي اتصل إسناده من راويه إلى منتهاه". تتكون عن الصحابي رقم 3 عن الصحابي رقم 2 عن الصحابي رقم 1 عن رسول الله صلى الله عليه و سلم. يعني مامنقزين على تا شي شخص. السلسلة متصلة من بداية الحديث حتى للنهاية ديالو.

و الخصائص ديالو كيماا قلنا هو تكون واحد السلسلة متصلة ديال الرواة، ماكااينش فراغ فيهاا، و تتكون غادة من الرسول صلى الله عليه و سلم، إلى صحابي، إلى تابعي (تلميذ صحابي) إلى تابع تابعي ( تلميذ التابعي).

2️⃣ وااش أي حديث مسند تيكون صحيح؟

الجوااب هو لاا. ممكن يكون الحديث مسند و لكن مايكونش صحيح لاحقااش كيماا شفنا قبل الحديث الصحيح خااصوا شروط مختلفة: إتصال السند، عدالة الرواة، ضبط الرواة، عدم الشذوذ، و عدم العلة.

3️⃣ مثال:

عن أبي عبد الرحمن عبد الله بن عمر بن الخطاب رضي الله عنهما قال: سمعت رسول الله صلى الله عليه وسلم يقول: (بني الإسلام على خمس : شهادة أن لا إله إلا الله ، وأن محمدا رسول الله ، وإقام الصلاة ، وإيتاء الزكاة ، وحج البيت ، وصوم رمضان) رواه البخاري ومسلم .

🟢 هذا حديث مسند لاحقاش السند متصل من أخر شخص تيرويه إلى النبي صلى الله عليه وسلم.

كان هذا شرح مبسط للحديث المسند. فالجزء المقبل غاادي نشوفوا شنو هو الحديث المرسل.

دخل لهاد الليان، طيليشاارجي كتااب "علم الحديث بالدارجة"، و بدا الرحلة ديالك ففهم، إكتشااف، و الدفاع عن السنة 👇👇

تحميل كتاب "علم الحديث بالدارجة"