وااحد من أهم العلماء لي اهتموا بالحديث هو الإمام أحمد بن حنبل. و هو أيضا صاحب المذهب الحنبلي.

1️⃣ نبذة عن حياة الإمام

الإمام أحمد بن حنبل تزااد سنة 164 هجرية فبغداد، و دوز معظم حياتو فالبحث عن العلم و المعرفة. ساافر لأماكن مختلفة فالعالم الإسلامي بااش يجمع الأحاديث و يطلب العلم.

كاان معروف عليه أنه تيمشي بمقولة "لا يزال الرجل عالما ما دام يطلب العلم ، فإذا ظن أنه علم ، فقد جهل . نطق بها عمله ، ونطق بها لسانه في تلك الكلمات."

كاان تيرفض انه يدلل رااسوا أمام الحكماء ولا يعطيهوم الفتاوى لي توافق الأهواء ديالهوم. حياتوا كاملة عاشهاا لله، كاان دخلوه قداام الخليفة و طلبوا منو أنه ينطق بفتوى لي باغيين هوما. كاانوا قتلوا جوج ديال الرجال قدااموا باش يخلعوه، و لكن واخاا هكاك كاان تينطق غي بالحق.

2️⃣ مسند الإمام أحمد

مسند الإمام أحمد هو كتااب لي مختلف بزااف لا من ناحية الأحاديث لي جاامع، و عددها تقريبا هو 40 ألف حديث، ولا من الطريقة بااش مقسم. و الطريقة بااش مقسم مسند أحمد هي على حسااب أسماء الرواة. كااين 904 ديال الصحابة فمسند الإمام أحمد لي راويين الأحاديث على النبي. و العلماء تيقولوا بأن الأحاديث لي فمسند أحمد جميعها صحيحة. و بعض العلماء تيقولوا أن مسند الإمام فيه 9 ولا 15 ديال الأحاديث لي ضعيفة.

و قاال إبن تيمية أن إبن الإمام، زااد شي أحاديث فالمسند و هي السبب لااش فيه أحاديث موضوعة.

3️⃣ خصائص مسند الإمام أحمد

🔵 كماا قلناا، مرتب على حسب الرواة ديال الأحاديث مااشي المواضيع، و هادشي تيعااون النااس أنهم يدرسوا الرواة ديال الحديث بسهولة حيت تتلقى جميع الأحاديث لي رواها شخص معين فبلااصة وحدة بسهولة.

🔵 شاامل لمجموعة ديال الأحاديث، بالضبط 40 ألف حديث. و شااملة على موااضيع مختلفة فالفقه و الشريعة الإسلامية.

🔵 التركيز على الصحيح: الإمام أحمد كانوا عندو معايير صاارمة فجمع الأحاديث و هاادشي خلاا لكتااب ديالو وااحد من أهم و أكثر كتب الأحاديث صدقاا.

4️⃣ وفاة الإمام أحمد

اشتد المرض على الإمام أحمد، طلب من الأسرة ديالهوم أنهم يوضيوه و يخللوا الأصابع ديالو، و بعدهاا توفى سنة 241 هجرية، و عااش حياة شريفة تعرفات بالتقوى و الورع.

حضر التغسيل ديالو 100 شخص من أهل الخلافة من بني هاشم، و الأقوال مختلفة فعدد الأشخاص لي تبعو النعش ديالوا، و الأقوال تترااوح ما بين مليون و 700 ألف شخص، حتى لمليون و 300 ألف شخص، و أقل عدد مذكور فالكتب هو 700 ألف شخص.

دخل لهاد الليان، طيليشاارجي كتااب "علم الحديث بالدارجة"، و بدا الرحلة ديالك ففهم، إكتشااف، و الدفاع عن السنة 👇👇

تحميل كتاب "علم الحديث بالدارجة"