إسم الإمام البخاري ولاا مراادف للصحة و مواظبة و إهتمام بالحفاظ على أحاديث النبي صلى الله عليه و سلم. الكتاب ديالو "صحيح البخاري" تيتعتبر ثاني أصح كتاب من بعد كتاب الله. شكون هو هاد الإماك البخاري؟ و كيفااش كانت حيااتوا؟

1️⃣ نبذة عن حياة الإمام البخاري

الإمام محمد ابن اسماعيل البخاري ولد سنة 194 هجرية، الموافق ل 810 ميلادية فبخارة، لي حالية معروفة ب 'أوزبكستان' فعائلة متدينة. توفى الأب ديالو فسن صغير، و الأم ديالو رباات فيه محبة العلم. هاجر هو و خوه و الأم دياالو لمكة لطلب العلم. فااش كان عندو 10 سنين، كان ديجاا حفظ القرٱن و بداا الرحلة ديالو فإتقان علم الحديث.

2️⃣ قوة حفظ البخاري

كانت عندوا داكرة قوية و دكاء كبير. كانوا النااس تيقولوا أنه الحديث يلا ماكانش عاارفوا الإمام البخاري فرااه مايمكنش يكون حديث. كانوا الناس تيعطيوه مئات الأحاديث و تيقلبوا ليه الأسانيد ولا يبدلو فيها شي مسألة، و كان تيعاود يعرضهاا صحيحة.

ساافر الإمام البخاري لمختلف المناطق فالعالم الإسلامي لطلب العلم. السفر ديالو استغرق مدة 16 سنة و فديك الفترة جمع 600.000 حديث. و طور شروط و معايير صارمة بااش يعتبر أن الحديث صحيح، و من ضمن دوك 600.000 حديث، اختار 7275 لي دخل فكتابه "صحيح البخاري".

3️⃣ شروط الحديث الصحيح بالنسبة للبخاري

البخاري كانوا عندو شروط مختلفة بااش يقبل الحديث، و هاد الشروط هوماا:

• الإسناد يكون متصل: كل شخص فسلسلة الرواة لي نقلوا الحديث خااصوا يكون تلاقا شخصيا الشخص لي تيروي عليه.
• عدل و ثقة السند: خااص كل شخص يكون معروف بالعدل ديالو، الثقة ديالو، قوة الحفظ ديالو.
• الدقة في النقل: البخاري اشترط ان الحديث يكون متوافق مع المصادر الموثوقة، يعني مايكونش مختلف مع القرٱن ولا حديث ٱخر صحيح.

للإشارة، هاد الشروط مااشي شي حااجة لي البخاري دكر فالكتاب ديالو، و لكن شروط لي العلماء استنبطوها و لاحظوهاا من خلال الأحاديث لي مذكورة.

4️⃣ كتابه: صحيح البخاري

كتاب صحيح البخاري هو مااشي كتااب عاادي، و لكن موسوعة ديال الأحاديث. هااد الموسوعة تتنقسم ل 97 كتااب، و كل كتاب تينقسم لأبواب، لي شااملة على أحاديث فجميع مجالات الحياة - الدين، العبادة، الأخلاق، المعاملات، العائلة، و غيرها. كتااب صحيح البخاري تيتعتبر أصح كتاب من بعد كتاب الله. من ضمن 600.000 حديث لي البخاري درس، اختاار 7275 حديث لي داار فيه.

و من غير كتابه، الجامع الصحيح، عندو مؤلفات بحاال الأدب المُفرد، ورفع اليدين في الصلاة، والقراءة خلف الإمام، والتاريخ الكبير والصغير والأوسط، والضعفاء الصغير، والمسند والتفسير والجامع الكبير، وخلق أفعال العباد، غيرهم.

5️⃣ وفاته

توفى الإمام البخاري سنة 265 هجرية، ليلة السبت فقرية صغيرة. و كان العمر ديالو 62 سنة إلا 13 يوم. تدفن فاليوم الموالي، و كان عيد الفطر بعد صلاة الظهر. بعد الدفن ديالو، خرجاات رائحة من القبر ديالو ديال المسك و بقات لمدة أيام.

دخل لهاد الليان، طيليشاارجي كتااب "علم الحديث بالدارجة"، و بدا الرحلة ديالك ففهم، إكتشااف، و الدفاع عن السنة 👇👇

تحميل كتاب "علم الحديث بالدارجة"