كما هو معلوم، فالمغرب تنتبعوا المذهب المالكي لي جااي من فتاوى الإمام مالك بن أنس. و الإمام مالك هو أيضا من العلماء لي اهتموا بالحديث، و عطانا وااحد من أهم الكتب الدينية, الموطأ.

1️⃣ نبذة عن حياة الإمام مالك

الإمام مالك بن أنس بن مالك تزااد فالمدينة المنورة سنة 93 هجرية فبيت مهتم بالعلم، و كان تيتسمى بعالم المدينة. بداا طلب العلم و عندو 10 دالسنوات و حفظ القرٱن فسن صغيرة. كاان تيمشي عند الشيوخ ديالو و تيسمع من عندهوم تقريباا 100 حديث فالنهاار و ماتيخلطش بيناتهوم.

الطريقة ديالوا فجمع الحديث كانت علمية و عملية بزااف، كان تيركز على جمع الأحاديث و على كيفااش دوك الأحاديث متعلقة بالفقه و قضايا المسلمين. و كان متأثر بالأعمال ديال أهل المدينة حيت هوما أقرب نااس للسنة بسبب المعااشرة ديالهوم للرسول.

2️⃣ موطأ الإمام مالك

أغلب كتب الأحاديث لي غاادي تجي من بعد الإمام مالك غاادي تركز على جمع أحاديث النبي فقط، و لكن الإمام مالك جمع الأحاديث مع الفتاوى و الفقه، و التطبيق العملي للعادات ديال نااس المدينة. و هو مرجع مهم فالفقه الإسلامي.

كاانت نية الإمام مالك بهااد لكتااب انه يربط ما بين الأحاديث النبوية و الفقه. و الموطأ مقسوم لفصول، كل فصل تيتعاامل مع مواضيع مختلفة بحاال الصلاة، الصوم، الزواج، المعاملات و غيرهاا. كتااب تيجمع الأحاديث النبوية و السلوكات ديال النبي صلى الله عليه و سلم، الصحابة، و التابعون.

من غير كتاب الموطأ عندو كتاب المدونة لي هو مجموعة ديال الفتاوى و الأقوال ديالو رتبوهاا التلاميد ديالو.

3️⃣ خصائص و صفات الموطأ

🔵 شامل للفقه و الأحاديث: كيماا قلنا، الموطأ تيجمع الأحاديث و تيوريك كيفااش دوك الأحاديث تينطبقوا فالفقه و مسائل واقعية.

🔵 معايير صارمة: الإمام مالك كان عندو معايير صارمة بحال البخاري ومسلم فالأحاديث لي جمع.

🔵 تنظيم حسب المواضيع: الموطأ مقسم على حسااب

4️⃣ وفاة الإمام مالك

أقوال العلماء مختلفة ففوقااش ماات. المرجه هو أنّه مرض لشي أياام، فااش حضراتو الوفاة تشهد، وقال: "لله الأمر من قبل ومن بعد"، و توفى سنة 179 هـ، وتدفن في المدينة المنورة في مقبرة البقيع، فسن الخامسة والثمانين.

دخل لهاد الليان، طيليشاارجي كتااب "علم الحديث بالدارجة"، و بدا الرحلة ديالك ففهم، إكتشااف، و الدفاع عن السنة 👇👇

تحميل كتاب "علم الحديث بالدارجة"