بعد ماشفنا حياة الإمام البخاري و كيفااش عطاا حياتو كلها لطلب العلم، غاادي نشوفوا حيااة عاالم أخور لي وهب حياتو للدين و لجمع الحديث.

1️⃣ نبذة عن حياة الإمام مسلم

الإسم ديال الإمام مسلم هو أبو الحسين مسلم بن الحجاج بن مسلم، تزاد فسنة 206 للهجرة الموافق ل 821 ميلادية فمدينة نيسابور لي هي حاليا إيران. من سن صغيرة كاان شخص دكي و شغوف بالعلم. ساافر لمدن مختلفة بحال بغداد، مكة، المدينة، مصر، و سوريا و درس على يد افضل العلماء فداك الوقت، و على رأسهم الإمام البخاري لي كاان عندو تأثير كبير على الإمام مسلم فجمعه للأحاديث.

2️⃣ قوة حفظه و طلبه للعلم

بداا تيسمع الأحاديث و عندو 12 سنة و كان سافر كيماا قلنا لمختلف الأماكن طلبا للعلم. روى على عديد من الشيوخ، منهم الإمام البخاري و أحمد بن حنبل. قال عليه البخاري "لا يبغضك إلا حاسد، وأشهد أنه ليس في الدنيا مثلك".

3️⃣ شروط الحديث الصحيح بالنسبة لمسلم

كاان لدى مسلم شروط مختلفة للحديث الصحيح بحال البخاري. الفرق الوحيد هو أنه بالنسبة للبخاري، كاان ضروري أن الإسناد - الأشخاص لي يكونو تينقلوا الحديث على بعضياتهوم - يكونوا تلاقااو و لو مرة وحدة. يعني البخاري تيقولك يلا كنتي غادي تروي على شي إنساان خااص تكون تلاقيتيه من قبل.

أما الإمام مسلم، كاان تيقول بأنه كاافية المعاصرة: يعني، واخاا الناس لي تيرويو الحديث على بعضياتهوم، مايكونوش تلاقااو وجها لوجهاا، ماعليش. غي هو خااص يكونوا بجوج عااشوا فنفس الوقت، و عاصروا بعضياتهوم.

و لكن واخاا الإمام مسلم كان متساهل فهاد الشرط، الأحاديث ديالو و الكتاب ديالو تيبقى صحيح حيت تا هو كانوا عندو الشروط لوخرا:

• السند خااصوا يكون متصل: كل شخص تيروي خااصوا يكون تيروي على شخص حتى يوصلوا لرسول الله صلى. الله عليه و سلم.
• الرواة خاصهوم يكونوا ثقة: يعني النااس لي تيرويو الحديث ماخااص يكون معرووف عليهوم تا حااجة خاايبة و معروفين بالحفظ المتين.

و حيت الإمام مسلم مااكانش عندو دااك الشرط ديال أن الرواة فالسند يكونوا تلاقااو من قبل، هاادشي خلااه يقدر يضيف أحاديث لي ماكاايناش فصحيح البخاري. و هاادي إضافة زوينة تتبين أن الكتب بجوج تيكملوا بعضهوم. و بطبيعة الحاال كااين شي أحاديث لي مذكورة فالكتب بجوج، و هاادي لي تتسمع عليها لفظ "متفق عليه".

4️⃣ كتاابه: صحيح مسلم

كتااب صحيح مسلم هو كتاب متميز فالأحاديث و جمعها. و استغرق هاد العمل منو 15 سنة. تقسيم كتاب صحيح مسلم تيعتمد على جمع روايات الحديث الواحد فنفس المكان بااش يسهاال على الإنساان أنه يدرسهاا. و هاادي تتخلي كتابه أسهل من صحيح البخاري، رغم أن تقسيم صحيح البخاري عندوا فوائد مختلفة.

وكتاب صحيح مسلم تا هو مقسم إلى كتب ، وكل كتاب تينقسم إلى أبواب ، وعدد كتبه (54) كتابـا ، أولها كتاب الإيمان وآخرها كتاب التفسير ، وعدد الأحاديث ديالو بدون المكرر تقريبا (4000) حديث ، وبالمكرر نحو (7275) حديثا. و هاد الاعداد تتختلف على حسااب طريقة العد من عالم لٱخر.

و من غير كتاب صحيح مسلم، عندو مؤلفات مختلفة بحال كتاب الأقران، وكتاب التمييز، وكتاب العلل، وكتاب سؤالاته أحمد بن حنبل، وكتاب مشايخ مالك، وكتاب أولاد الصحابة، وكتاب الطبقات، وكتاب أوهام المحدّثين، وكتاب أفراد الشاميّين، وغيرها الكثير.

5️⃣ وفاة الإمام مسلم

توفى الإمام مسلم فسنة 261 للهجرة، عن عمر 55 سنة تقريبا. قيل أن شخص سولوا على حديث لي الإمام مسلم ماعرفوش، و مشاا للدار تيقلب عليه و تيبحث. بقاا تيبحث الليل كاامل و تيااكل التمر حتى كلاا وااحد السلة كااملة ديال التمر. بسبب هاادشي حس بالثقل، مرض، و توفاه الله و هو تيدير الحااجة لي فنى فيها حيااتو كااملة: البحث عن الأحاديث و طلب العلم.

دخل لهاد الليان، طيليشاارجي كتااب "علم الحديث بالدارجة"، و بدا الرحلة ديالك ففهم، إكتشااف، و الدفاع عن السنة 👇👇

تحميل كتاب "علم الحديث بالدارجة"