من ضمن كتب الأحاديث الستة، عدناا سنن النسائي لي هو كتاب معروف بالصحة و الدقة ديالو لي نتجات من خلال مجهودات الإمام النسائي.

1️⃣ نبذة عن حياة الإمام النسائي

الإمام أحمد إبن شعيب النسائي تزاد سنة 215 هجرية فخراسان فقرية نساء فالمكان لي معروف ليوما بترماكستان. من سن صغيرة، الإمام النسائي كان مهتم بتعلم الأحاديث و الجمع ديالهاا، و سافر لمناطق مختلفة لهاد المهمة بحاال مكة، المدينة، و بغداد.

الإمام النسائي كانت عندوا معايير صارمة فإختيار الأحاديث لي غاادي يضيف فالكتاب ديالو، و هادشي خلاا لكتااب ديالو معروف بالصحة و ماتيتجاوزوا فهاد المسألة غي صحيح البخاري و مسلم.

2️⃣ كتاب سنن النسائي

كيما قلنا كتاب سنن النسائي هو من كتب الأحاديث الستة، لي جمع فيه الأحاديث لي ثبتات عندو صحيحة. هو فالأصل راه كتاب مختزل من كتااب اخر لي كبر منو سميتو "السنن الكبرى". من هاد لكتااب الإمام، داار كتااب 'المجتبى' لي هو داباا معروف بسنن النسائي.

3️⃣ خصائص سنن النسائي

🔵 صحة و دقة عالية: هااد لكتااب تيتعتبر من اصح كتب الأحاديث من بعد صحيح البخاري و مسلم

🔵 جمع ما بين الأبواب و الإسناد: الإمام قسم الكتااب ديالو لأبواب و مواضيع مختلفة، و جمع الأسانيد ديال الحديث فمكان وااحد.

4️⃣ وفاة الإمام النسائي

بالنسبة للوفاة ديال الإمام النسائي، كااين جوج روايات مختلفة.

رواية تتقول انه خرج للحج و وصلةلمكة و تدفن فيها، بين الصفا و المروة سنة 303 هجرية. و رواية أخرى تتقول أنه توفى في فلسطين. على أي، الإختلافات فالوفاة ماشي مهمة بقدر أهمية كتابه و المجهودات لي قاام بيهاا.

دخل لهاد الليان، طيليشاارجي كتااب "علم الحديث بالدارجة"، و بدا الرحلة ديالك ففهم، إكتشااف، و الدفاع عن السنة 👇👇

تحميل كتاب "علم الحديث بالدارجة"