1️⃣ تقديم و تعريف النسخ

استغرقت الدعوة 23 سنة فالمجمل ديالهاا و كانت على مرااحل: الدعوة المكية لي بدورها منقسم لمرااحل، و الدعوة فالمدينة لي تا هي عرفات مرااحل و أحدااث عديدة. و فهاد الفترة هاادي وقعوا بزااف ديال التغييرات و التطورات فالأحكاام، بعض الأمور كاانت مبااحة فاللول من بعد ولات مكروهة او تحرماات، و بعض الأمور عوتااني رجعاات مستحبة أو مبااحة.

و الطريقة بااش هاد الأحكام كانت تتغير هي بطبيعة الحاال فااش تيجي شي دليل شرعي. كان تيجي دليل شرعي لي تيبيح شي مسألة، و من بعد تيجي دليل أخور لي تيحرمهاا مثلا. هااد المسألة تتسمى بالنسخ.

النسخ هو فاش حكم تيجي دليل من القرٱن او السنة و تيغيروا. و هاد المسألة مذكورة بوضوح فالقرٱن، فسورة البقرة، الٱية 106: {مَا نَنسَخْ مِنْ آيَةٍ أَوْ نُنسِهَا نَأْتِ بِخَيْرٍ مِّنْهَا أَوْ مِثْلِهَا ۗ أَلَمْ تَعْلَمْ أَنَّ اللَّهَ عَلَىٰ كُلِّ شَيْءٍ قَدِيرٌ}.

و هاد النسخ تيعكس الطبيعة المتغيرة للمجتمع الإسلامي فوقت الدعوة. كانوا الأحكاام تيجيو شويا بشويا، بااش ينقلوا العرب من الظلمات إلى النور. و بااش يناسبوا حال

و الصحابة كانوا تيتبعوا ٱخر حكم شرعي لي نزل. و الأدلة كثيرة فهاد المسألة: ففي صحيح البخاري (989) عن ابن شهاب الزهري قال : (وَإِنَّمَا يُؤْخَذُ بِالْآخِرِ فَالْآخِرِ مِنْ فِعْلِ النَّبِيِّ صَلَّى اللَّهُ عَلَيْهِ وَسَلَّمَ).

ورواه مسلم (1113) عنه بلفظ : (وَكَانَ صَحَابَةُ رَسُولِ اللَّهِ صَلَّى اللَّهُ عَلَيْهِ وَسَلَّمَ يَتَّبِعُونَ الْأَحْدَثَ فَالْأَحْدَثَ مِنْ أَمْرِهِ).

وفي لفظ: (فَكَانُوا يَتَّبِعُونَ الْأَحْدَثَ فَالْأَحْدَثَ مِنْ أَمْرِهِ، وَيَرَوْنَهُ النَّاسِخَ الْمُحْكَمَ).

2️⃣ أركان النسخ

🔵 الناسخ: وهو الله تعالى أو رسوله صلى الله عليه وسلم

🔵 المنسوخ: وهو الحكم المرفوع.

🔵 المنسوخ عنه: وهو المكلف

🔵 النسخ: وهو قوله تعالى الدال على رفع الحكم الثابت أو حديث رسول الله صلى الله عليه وسلم

3️⃣ علااش النسخ مهم؟

النسخ هو مااشي علامة ديال التناقض فالشريعة و لكن دليل على رحمة الله بعباده. من خلاال هاد التدريج فالأحكاام، الصحابة قدروا أنهم يتأقلموا مع التغيير.

مثال عليه هو حكم الخمر. فالعرب شحاال هاادي، كان عندهوم الخمر بحاال أتااي، يعني كان صعيب أنه يتحرم دفعة واحدة. داكشي علااش جاا التحريم فمحطات بالتدريج. و حتى القبلة لي تغيرات من بيت المقدس إلى مكة.

و النسخ مهم لاحقااش تيسااعدنا نفهموا و نجمعوا بين الأحاديث لي تتباان متنااقضة. هي ماتتكونش متنااقضة، و لكن فقط تغيراات مع المدة.

🟢 هذاا كان شرح بسيط للنسخ في الإسلام. و غادي نتاقلوا فالجزء المقبل لأمثلة عليه من الأحاديث.

دخل لهاد الليان، طيليشاارجي كتااب "علم الحديث بالدارجة"، و بدا الرحلة ديالك ففهم، إكتشااف، و الدفاع عن السنة 👇👇

تحميل كتاب "علم الحديث بالدارجة"