يقول الله تعالى في سورة المائدة: «الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا» [المائدة:3]

تقدر تكون سمعتي هاد الٱية من قبل ولا قريتيهاا، و لكن واخا هكااك تقدر ماتكونش حااس بالثقل ديالها. هادي ٱية من القرٱن لي الله تعالى تيخبرنا فيها بأكبر النعم. و هاد النعمة هي أنه أكمل لينا الدين باش مانحتاجوش شي حاجة من غيرو، و لا حتى نبي من غير رسول الله صلى الله عليه و سلم لي هو خاتم الأنبياء و بعثوا الله إلى الإنس و الجن. و أي حاجة لي قال الرسول عليها حلال، فهي حلال؛ و أي حاجة لي قال الرسول عليها حرام، فهي حرام.

و بما أن الله أكمل هاد الدين لنا و رضاه لينا، حنا مامحتاجين حتى زياادة. فقط محتاجين أن حنا نرضاوه أيضا لأنفسناا. و قيل أن هاد الٱية نزلات فعرفة و من بعدها تا شي حلال أو حرام مانزلش.

يعني هاد الٱية راه تادير واحد الحد، واحد الخط بالأحمر لي واضح و ماخاصناش نتجاوزوه. الدين كامل، و لي خاصنا حنا هو نفدوه و نطبقوه كما نزل، ماشي نزيدو ليه شنو عجبنا.

و المرة الجااية فاس تبغي تزيد شي حاجة لي ماكايناش فالدين و تتبان ليك زوينة، تفكر هاد الٱية و سول رااسك "واش ماشي يلا بغيت نزيد شي حاجة فالدين، تنتسمى؟تنكدب هاد الٱية؟ ماشي تنقول بلي شي حااجة ناقصة منو؟ و عاد أناا غادي نجي نكملها؟!"

ماايمكنش!