هضرنا على شنو هوما البدع، عرفناهوم، ذكرنا بلي جميع البدع سيئة و ضلالة، وضحنا الغموض علاش بعض الناس تيعتقدوا أن البدع فيهوم الزوين و فيهوم الخاايب، و شفناا الخطورة ديالهوم.

إوا داباا؟ شنو من بعد؟ كيفااش مانطيحوش فيهوم من دابا للقدام؟

أول حاجة هي غاادي نشوفوا فالفصول المقبلة أكثر البدع انتشارا و تما اتعرفوا البدع لي خاصكم تفاداو. حل ثااني هو الإنسان يحاافظ على السنن. شحال ما التزمناا بالسنن، شحاال ماغادي نتخلصوا من البدع.

و حاجة ثالثة و بسيطة هي أن حنا نغيروا العقلية ديالنا فالعبادات من "علااش لاا" ل "علااش"

داباا يمكن قبل، تكون كنتي تادير الحااجة فالدين حيت تتقول مع رااسك "علااش لاا؟" تتسول علااش ماديرهااش؟ فين المشكل؟ فين المانع؟ وااش هاد الحااجة حراام؟

و لكن كيماا شفنا فهاد الفصل، الأصل فالعبادات هو التوقيف. بااش تدير شي عبادة خااص يكون الدليل. يعني من داباا القداام، ديك "علااش لاا" بدلهاا ب "علااش؟". خااصك تولي تتبحث على الدليل الشرعي لي تيوجب عليك انك تقوم بالعبادة.

و قلنا قبل أن الأصل فالعادات هو الإباحة. يعني نتاا يلا كنتي تتخرج تجري كل صباح ولا كل عشية، راك ماغااديش تقلب على دليل شرعي. اهي خرج تجري و صاافي. حناا تنهضروا على الإبتداع فالدين و العبادات لي تنتقربوا بيها لله تعالى.

صوو، عوتاني، من دابا للقدام فأمور العبادة، ماتسولش رااسك 'وااش نقدر ندير هاد العبادة' و لكن سول 'فين هو الدليل أني خاصني ندير هاد العبادة؟'. و يلا مالقيتيش الدليل، الجوااب بااين ديك السااعة: مادييرش.

يعني المرة الجاية، فالصلاة، الصيام، الأعياد الدينية، الأذكار، و غيرها، ديماا سول فين هو الدليل باش تضمن أن الحب لي فقلبك و الرغبة فعبادة الله تكون موجهة للطريق الصحيح.

و دابا فالفصول المقبلة غاادي نتااقلوا للبدع المنتشرة فالأقوال و الأفعال فحياتنا اليومية.