1️⃣ البدعة

يوم الجمعة، تيأدنوا فالمساجد 3 مرات للصلاة، و ربما السبب هو سوء فهم لواحد الواقعة. أولا، الٱذان فوقت رسول الله صلى الله عليه و سلم لصلاة الجمعة، كان ٱذان واحد. كان النبي صلى الله عليه و سلم تيطلع للمنبر، و تيأذن المؤذن للصلاة.

من بعد - و هادي هي الواقعة - فوقت الخليفة عثمان بن عفان، كانت المدينة كبراات و تزااد عدد الناس و كان عثمان بن عفان رضي الله عنه تيدير أذان اخر قبل وقت الجمعة بشي ساعة لإحتياج الناس إلى ذلك. كان تيسيفط رسول و تيأدن باش يعلم الناس أنه قرباات وقت الجمعة.

يعني هو كان أذان ثااني ماشي ثالث، و نقدروا نسميوه ٱذان أول لاحقااش هو لي تيسبق و تيجي اللول. و السبب لااش الناس ظنوا أنه ٱذان ثالث هو فداك الوقت كانت الإقامة أيضا تتسمى ٱذان، يعني غي سوء فهم لغوي. و كاين لي تيعتقد أنه راه كانوا 3 دياال الٱذان للصلاة.

2️⃣ الحكم

هادشي علااش، مسألة الٱذان 3 مراات يوم الجمعة لي عدنا هي بدعة لا دليل عليها فالشرع. ماتابعين لا السنة ديال النبي لي كانت عبارة عن ٱذان وااحد ولا إجتهاد عثمان بن عفان لي دار ٱذان ثاان.

3️⃣ البديل

البديل هو الإلتزام بسنة رسول الله صلى عليه و سلم و يكون ٱذان واحد فالوقت لي يدخل الخطيب للمنبر و يسلم على الناس، أو حتى يكونوا ٱذانين كما دار عثمان بن عفان، و أجمع عليه الصحابة و تا هو يعتبر مشروع. و حتى فاش تيكون ٱذانين تيخص يكون واحد الفراغ و وقت بيناتهوم بجوج، ماشي متابعين كيماا عدناا.