1️⃣ البدعة

كل يوم جمعة تتلقى لفايس و السوشل ميديا عامر بصور 'جمعة مباركة' و يمكن تسمعها حتى فالزنقة من شي شخص، أو يوصلك ميساج فالواتسااب. و هاد المسألة هي من الأمور لي صعب على الإنسان أنه يتقلبها لأنه كما العادة تيقولك أنا غي تنقول كلمة خير، كلمة طيبة، نيتي حسنة و مافيها تا شي حااجة. و لكن الواقع حااجة أخرى.

2️⃣ الحكم

هاد الكلمة أو الدعاء أو التهنئة هو عبارة جديدة لي ماتنقلاتش على الرسول، أو الصحابة، و التابعين أو تابعي التابعين، و لهذا الحكم ديالها هو بدعة ولا يجوز قولها. بالخصوص يلا كانت بصفة مستمرة و الإنسان تيعتقد أنها واجبة و تيتقرب ليها لله تعالى. أما إذا كانت عبارة لي تقالت مرة مرة بشكل نادر، فهاد الحالة تتكون عاادي. بحال شي شخص يقول تجمعناا فهاد الجمعة المباركة، هنا ماكاين مشكل فيها.

3️⃣ البديل

و البديل هو الإنسان يحيي الناس بتحية الإسلام المتعارفة، و يقوم بسنن يوم الجمعة لي هي: الإغتسال و التطيب، تلبس ملابس حسنة، تبكر للمسجد، قراءة سورة الكهف، كثرة الصلاة على النبي، الإجتهاد فالدعاء و تحري ساعة الإجابة.