1️⃣ البدعة

ولات عدنا عادة أنه فاش تيساالي شي حد الصلاة فالمسجد، تيسلم على لي حداه على ليمن و ليسر و يقول 'تقبل الله' و الناس تتقول أنه هاادي حاجة زوينة تتربط بين المسلمين و تحقق الأخوة بيناتهوم.

2️⃣ الحكم

و لكن حكم هاد الإضافة هي بدعة عملية و قولية. تتحول واحد العمل لي هو السلام و مصافحة اليدين لواحد الجزء ثابت من الصلاه بدون أي أساس فالسنة. و بما أن الأصل في العبادات التوقيف، يعني ماتنديرو تا شي عبادة حتى تيكون دليل شرعي تيوجبهاا، يعني هاد الإضافة لي ماعليها حتى شي دليل بدعة ولا تجوز.

الفرق أو الحالة الخاصة هي يلا شي إنسان دخل للمسجد باش يصلي و فاش سالا الصلاة بان ليه شي شخص لي ماشافوش هاادي مدة و سلم عليه، ديك السااعة راه هانيا. المهم هو الإنسان ماياخدهاش كعادة و يلزمها الصلاة.

3️⃣ البديل

و البديل لي الإنسان خاصوا يلزموا هو الأذكار الواردة فالسنة لي بعد الصلاة فقط. و من بعد يلا الإنسان تلاقا شي صاحبوا فالمسجد و بغا يسلم عليه ولا حتى يدعي معاه، ديك الساعة ماعليش غي ماتولي عادة يلتزم بيها بعد كل صلاة.