1️⃣ البدعة

بعض الناس تيديرو صدقات للميت بعد أربعين يوم، يقدروا يتجمعوا يديروا وليمة و يقراو القرٱن، ولا يصدقوا، ولا يهضروا على الميت و يتفكروا الحياة ديالو و يمدحوه.

2️⃣ الحكم

هاد العمل ماعندوا حتى شي أصل فالإسلام و هو بدعة محدثة فيها تشبه بالجاهلية. ماعندها حتى شي دليل فالإسلام. توفى فزمن الرسول و الصحابة مئات و ٱلاف الأشخاص و ماتنقلش بلي الرسول دار شي مأتم لا فالأربعين ولا فغيرها. و فنفس الشيء بالنسبة للصحابة فاش توفاو الخلفاء - أبي بكر، عمر بن الخطاب، عثمان بن عفان و علي - رضي الله عنهم ماكان حتى شي مأتم لأي واحد.

3️⃣ البديل

البديل هو الإنسان يدعي للميت و يتصدق عليه يلا بغا و غيرها، و لكن إقامة مأتم ماعندها حتى شي أصل فالدين.