دابا وصلنا لنهاية الكتاب، و لكن هاد النهاية هي فالحقيقة بداية لأمر أهم: بداية العمل و التطبيق و البحث لأن البدع كثيرة بزااف و مايمكنش نحصرها كاملة هنا. و لكن بما أنكم عرفتوا شنو هوما البدع، المخااطر ديالهاا، و أمثلة عليها من حياتنا اليومية و العبادات لي تنقوموا بيهاا، غاادي تكونوا قادرين تكملوا هاد الرحلة رااسكوم.

و فهااد اللحظة عاادي أن الإنساان يتخربق شي شويا و يحس بمشاعر مختلفة: من جهة تتحس بواحد الراحة لأن الحقيقة دابا ولاات وااضحة. و لكن من جاانب اخور تتعجب كيفااش أن شحاال من حااجة لي حناا تنديروا غالطة، و تقدر تسول رااسك: واش هاد الناس كامليين غالطين؟ وااش حنا كناا غالطين؟ و هادشي رااه عاادي، أنا و شي مراات تنتعجب. و لكن واخا تشوف الناس كاملين تيديرو شي حااجة، راه ماتيعنيش هادشي أنهم عندهوم الحق. بالعكس، فالقرٱن تتلقى لفظ الكثرة غاادي مع الضلال و الخطأ. و تتلقى لفظ القلة غاادي مع الصحيح. يعني مابقااتش فشنو الناس تيديرو ولا فشحاال من واحد ملتزم بهاد البدع و تيشوفها جزء من الدين. بقاات فالحق. و الحق يعلوا ولا يعلى عليه.

و الحمد لله أن الله تيغفر لينا الأخطاء الماضية. عن ابن عباس رضي الله عنهما أن رسول الله صلى الله عليه وسلم قال: (إن الله تجاوز عن أمتي الخطأ والنسيان وما استكرهوا عليه) حديث حسن رواه ابن ماجة والبيهقي وغيرهما .

على عكس الأمم السابقة لي كانت تتحااسب على جميع افعالها بدون مبرر الجهل ولا غيروا، الله رحمنا و تيتجااوز علينا هاد الأخطاء كما بين الله تعالى ذلك في قوله تعالى: {ربنا لا تؤاخذنا إن نسينا أو أخطأنا ربنا ولا تحمل علينا إصرا كما حملته على الذين من قبلنا ربنا ولا تحملنا ما لا طاقة لنا به} (البقرة:286) ، وقوله سبحانه: {وليس عليكم جناح فيما أخطأتم به ولكن ما تعمدت قلوبكم وكان الله غفورا رحيما} (الأحزاب:5) .

- الدعوة إلى الله بالتي هي أحسن

متأكد أنه فاش كنتي تتقرا شي بدع لي هنايا جااتك غريبة عقلك ماقدرش يتقبلها فاللول بسبب الإعتيااد، لاحقااش هادوا أمور لي ولفناا. و كيماا نتاا جاتك صعيبة تيق بسهولة، راه حتى النااس أتجيهوم صعيبة أنهم يتيقوا هاد الأمور. لذلك اندير هنا بعض النصائح لي تقدر تاخدهوم بعين الإعتبار يلا بغيتي شي مرة توعي الناس بالبدع لي طايحين فيهاا.

1️⃣ أولا، تيخصك تبداا برااسك. تيخصك نتا تكون مثال و تشوف أي بدعة لي كنتي تادير و تخلص منهاا. أتجي فشكل يلا كنتي تتقول للناس يتخلصوا من شي بدعة و نتاا غاارق فيها ولا فبدع أخرى.

2️⃣ ثانياا، نخدموا العقل و القلب بجوجهوم. نخدموا العقل بأن حناا نعطيو الدليل على أي حااجة و مانقولو هادي بدعة حتى نكونوا بحثنا و وجدناا الحجة. و نخدموا القلب بأن حناا نتابهوا للطريقة كيفااش تنتواصلوا مع الناس. نبدااو بالحاجة لي الناس ممكن يتقبلوها دغياا و بأسلوب حسن و غيرهاا. لقوله تعالى: ادْعُ إِلَىٰ سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ ۖ وَجَادِلْهُم بِالَّتِي هِيَ أَحْسَنُ ۚ إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِ ۖ وَهُوَ أَعْلَمُ بِالْمُهْتَدِينَ (125) [سورة النحل]

3️⃣ ثالثا، نتابهوا للوضع لي حنا فيه. يلا كنتي فجناازة ماغااديش تنوض و تقوليهوم هاد العشااء لي تاديرو راه بدعة و إثم و حراام. ماجااتش. خااصك تحترم الحاالة النفسية دياالهوم فداك الوقت. و حتى تدوز شي مدة عااد جبد الموضوع و قوليهوم راه قريت واحد الحديث على شنو النبي صلى الله عليه و سلم كان تيدير فالجنازة. رااه كاان تيقول للناس لي يطيبوا الماكلة لأهل الميت و يديوهاا ليهوم مااشي العكس.

و حتى يلا كنتي فمسجد و بدااو بداك الذكر الجماعي، ماغااديش تنوض تطفي ليهوم الميكروفون. و تقوليهوم يحبسوا. و لكن يلا كنتي تتعرف شي حد من هادوك لي تيديرو الذكر، غاادي تجروا و تنبهوا و تبداا بالأقربين و تخلي علاقتك مزياانة واخاا مايقتاانعش.

4️⃣ و فالأخير، حضي رااسك من مشكل اخوور. تقدر تكون تخلصتي من البدع و تولي شويييا مغرور و عااجبك رااسك و تحس بلي نتاا حسن منهوم. ماتخليش رااسك تطيح فالكبر حيت راه تانتا و أنا كناا غالطين و جاهلين بأمور الدين.

و فالختام، أهم حااجة فنظري لي خااصها تخليك تفتخر و تبقى متشبت بالحق هي أنك داباا راك اتولي تتعبد الله على منهج السلف. بلا زيادة ولا نقصان بإذن الله و هاد المنهج هو طريق الخلاص لأن النبي صلى الله عليه وسلم قال: افترقت اليهود على إحدى وسبعين فرقة، وافترقت النصارى على اثنتين وسبعين فرقة، وستفترق هذه الأمة على ثلاث وسبعين فرقة كلها في النار إلا واحدة" قيل: من هي يا رسول الله؟ قال: من كان على مثل ما أنا عليه وأصحابي. وفي بعض الروايات: هي الجماعة. رواه أبو داود، والترمذي، وابن ماجه، والحاكم وقال: صحيح على شرط مسلم. وقال عنه ابن تيمية: (هو حديث صحيح مشهور)، وصححه الألباني في السلسلة الصحيحة.

و بإذن الله نكونوا من هاد الفرقة. و إلى هنا تنتهي خاتمة هاد الكتاب. في حال كان البعض مهتم انه يقرا و يطور المعارف ديالو كتر بالدين، يقرا كتب العقيدة و السنة و لو شويا كل نهار. او يتصفح مواقع إلكترونية دينية لي موثوقة، و أشهر هاد المواقع هي:

https://www.islamweb.net/ar/

https://islamqa.info/ar

https://binbaz.org.sa/

https://binothaimeen.net/

https://www.alfawzan.af.org.sa/en

https://dorar.net/

و مانسااوش فالأخير بلي الدين ديالناا كاامل، ماعلينا غي الإتباع و نبذ الإبتداع.

إنتهى بقلم أيوب الهرشال.

غفر الله له، و لوالديه، و لجميع المسلمين.