8 دالإشارات أنك تتعاني من الستريس كتر من لي تاظن 

كااين شي ناس تيصحابهوم الستريس هو دوك الازمات لكباار، بحال يجيك شي إنهيار عصبي، تدخلي لطواليط تبكي بوحدك، ولا تضرب يديك ولا رااسك مع الحيط. 

و كااين ناس خرين عوتااني ماعارفيش گااع شنو هو الستريس ولا واش تيحسوا بيه أصلاا. و هاادي بعدا من ضمن الأمور لي الستريس تيديرهاا، فااش تتعاني من الستريس و تتولفوا ماتتبقاش قاادر تميز بين الحياة العادية ولا الستريس. تيصحاابك بلي نتاا دااير هكااك و صاافي. و لكن لي غاادي نبينو هناايا، هو بزااف ديال الأمور لي تنعتبروها عادية و جزء مناا هي فالحقيقة نتيجة دالستريس:

🔵يلا كنتي تاتخشي يديك فجيبك، تجبد تيليفون، تحلوا، ماتلقا  واالو، تسد تيليفون، تحطوا و موراها بشوييا تعااود تهزوا. ماتلقى تا شي ميسااج ولا نوتيفيكاسيون، تحط الطيلي عااود، و تلقى يديك غاادة تتقلب عليه، هذاا راه ستريس. 

 🔵 تكون جاالس تتاكل بالزربة، تكمل لمااكلة و ماتعقلش على المداق ديالها، بحال يلا راك كنتي فشي عالم اخوور، كان باالك مشغول. هذاا ستريس. 

🔵 تكون بوحدك فالبيت و شويا لباب ديال البيت يتسد بالجهد بالريح، و نتاا ماشي غي تخااف، و لكن تلقى رااسك غضبتي من الباب حيت تسد، ولا قرعة ديال الما طااحت، و تغضب و تبغي تغوت على القرعة حيت طااحت، هذاا ستريس. 

🔵 عندك عشية خااوية. ماعندك مايداار. تجي تكى تبغي ترتااح شويا. و لكن تلقى رااسك دغياا نضتي بلش تخمل بيتك، تشطب، تقاد حواايجك، تمسح تصااور الزايدين من gallery و ماتكونش مرتااح و نتا ماتادير واالو، هذا راه ستريس. 

🔵 تكون تتهضر مع شي حد و تلقى رااسك نسيتي شنو كنتي تتقول و الأفكار ديالك تخربقات حيت باالك مشغول مع مشااكل أخرى. 

🔵 شي واحد يسولك سؤال بسيط و نتا تعطيه واحد الشرح مطول و تبرر ليه أي حااجة بحال يلا رااك خاايف مايتيقش بيك ولا تتحس بحال يلا سولوك البوليس و خااصك تداافع على رااسك. تا هذا ستريس. 

🔵 ماتتبقاش عندك الطاقة باش تهضر مع الناس و تتبعد على كولشي واخاا مادارو ليك واالو. 

🔵 تتبقى توجد للمحادثات ديالك قبل مايوقعوا. يلا عاارف رااسك غاادي تهضر مع الناس تتبدا توجد لشنو غادي تقول بالحرف، و تادير سيناريوهات فعقلك دكيفاش غاادي يجاوبوك هوما، و شي مراات واخا ماتكون تا شي حاجة وقعات ديماا عقلك تيوجد لشنو غادي يقول فأي حاالة. و ديما المحادثة تتكون مختلفة تماما على شنو وقع فالواقع. 

المرة الجاية فاش تحس بهاد الإشارات عرف بلي راه دماغك محتاج وقت فين يرتاح. 

سمع ليه و ماتحاولش تجاهل هاد الإشارات أولا راه غاادي يرجعوا و أيرجعوا كبااار كتر