كاين 2 ديال المشاكل لي متقلة عليك حياتك، و أغلب الناس تتشوف غي المشكل الأول
.png)
كاين 2 ديال المشاكل لي متقلة عليك حياتك، و أغلب الناس تتشوف غي المشكل الأول
نتا عياان. عييتي من الحياة. عياان بواحد الطريقة لي الماكلة ماتتصلحهااش، و النعااس ماتيغير فيها تا حااجة. نتا جربتي داكشي لي تتسمع و تيقولوا ليك النااس، جربتي التنفس العميق، تخرج تمشى، جربتي دير الرياضة، ربما جربتي الأدوية، و ربما جربتي حتى الصلاة. و فاش الصلاة ماخلااتش دوك الأصوات لي تادور فعقلك يسكتوا، بقا فيك الحاال. ماعرفتيش شنو المشكلة بالضبط. و الناس ردوا المشكلة فيك. قالوا ليك راه ضعف الإيمان هو السبب باش نتا تتعاني فحيااتك. قالوا ليك الناس غي ماتديرش فباالك، ماتخممش، خليها عالله، بحال يلا نتا عمرك فكرتي فهاادشي. تتشوف الناس عايشين حياتهوم 'عاادي' و تتقول مع رااسك، بااينة هاد المشكل غي فييا.
و درتي واحد الحاجة لي تقريباا تاحد ماتيهضر عليهاا.
هزيتي داك الحمل بووحدك فقلبك. هزيتي المشاكل ديالك فقلبك. و هزيتي حتى الشعور بالعار و الخجل و النقص حيت نتا عندك مشااكل لي تتبان ماعندش الناس لوخريين.
و هاد الحمل التااني لي هزيتي فقلبك كفس بزااااف من الحمل الأول.
باغي نقوليك وااحد الحاجة قبل مانبدااو هاد الكتاب ديالنا.
نتا ماشي محطم. نتا مااشي عبئ. نتا ماشي زاايد ناقص فهاد الحياة. نتاا ماشي فاشل. نتا. ماشي. محطم.
المرة الجاية فاش تلقى دمااغك بدا تيلومك و تتقول مع رااسك "علاش انا داير هكاا؟" ولا "علاش مانقدرش نصبر؟"، حبس و بدل هاد الهضرة.
قول مع رااسك "هذا دماغي تيعطيني إشارة و غادي نسمع ليها". فقط.
نتا مافيكش مشكل، و ماشي عبئ. نتا غي كنتي هاز 2 دالمشاكل لي كتر من طاقتك فنفس الوقت.
