جربتي كولشي باش تخلص من الستريس، و لكن تيبقى تيرجع؟

ها علااش:

كاين واحد الحاجة الكتب ديال الستريس مااتتوضحهااش مزياان: كااين فرق ما بين أنك تسكت منبه alarm و ما بين أنك تفهم علاش تيصوني من اللول. 

تخايلوا معايا واحد المنبه ديال الحريق بحال لي تنشوفوا فالأفلام. تخايل عندك شي واحد فالدار و ديما تيصوني. تقدر تعلم تسكتوا دغياا. شد شي حجرة ضربوا بيها، غادي يطيح و ها هو سكت. ولا شد شي شطابة و طيحوا. و يلا عندك الخاطر، جيب شي سلم و طلع حيد ليه لباطري ديالو. ولا گااع تقدر تخليه، تجااهلوا، و تمشي تنعس ولا تخرج ولا تدير شي حااجة أخرى باش ماتبقااش مبرزط رااسك معااه. و لكن تا شي حااجة من هاادوا ماتتجااوب على السؤال ديال: "هااد المنبه، علااش تيصوني؟" 

الستريس راه هو داك المنبه. 

الأفكار لي تتجيك فعقلك، التزييرة لي تتشدك فصدرك و مصاارنك، قلة النعاس، الإرهاق، فاش تتبقى ديماا حااضي و خاايف لا توقع شي حااجة خاايبة. گااع هاد الأمور، ماتتعنيش بلي عقلك خااسر ولا فيك نتا شي مشكل. هادوا إشارات تينتجها الدمااغ لي تتشير لأن شي حااجة ماشي هي هااديك. تتشير لأنه كااين شي مشكل فالعمق لي راه مابااينش. و أي تقنية لي تيعلموها ليكوم تتلقاها تتعلمكوم غي كيفااش تطفيو داك المنبه مؤقتا. و لكن ماتتعلمكومش علااش تيصوني من اللول. و هاادشي علااش تتبقاو تطيحوا ديماا فنفس المشااكل. نفس المشكل تيتعااود كتر من مرة فحياتكوم حيت بااقي ماعرفتوا شنو هي الإشارة لي داك المنبه تيوجهكوم ليها. 

صوو، المرة الجاية فاش تحس بالستريس، ماتحاولش تجاهل داك التنبيه ولا تسكتوا بشي حاجة بحال السوشل ميديا ولا الماكلة ولا حتى الرياضة. 

و لكن سول راسك، هاد المنبه شنو باغي يوصل لييا؟ شنو باغي يقول؟

حيت المشكل ماشي هو فالمنبه، المشكل فشنو خلا المنبه يصوني.