نتا مافيك حتى شي ديفو.
.png)
نتا مافيك حتى شي ديفو.
و لا، ماتنقولش هاد الهضرة باش نموتيڤيك.
شي عامااين هاادي قبل مانصاايب هاد الكتاب، كنت خدام على كتاب اخور سميتو 'عقلك، صديقك المقرب الجديد' و كان تيشرح العلاج السلوكي المعرفي، و كنت فيه تنهضر على بزااف ديال المشااكل من بينها كيفااش تقااد نعااسك، كيفاش تخلص من داك القلق لي تيخليك بلا نعااس.
إوا المشااهدين، فواحد الفترة لي كنت تنكتب فيها داك الكتااب، كنت أنا برااسي ماتنعسش مزياان. 🥲💔
كنت واحد السيمانة ولا جوج و انا نعاسي مخربق. تنجي نتكاا و دمااغي تيبقى مبرزط بالتفكير. دماغي كان تيتوقع بلي المشاكل أتوقع. كنت كل مرة و فوقاش تاضربني الفيقة فوسط الليل. دااكشي لي كنت تنقول للناس كيفااش يتغلبوا عليه، كنت تنوااجهوا.
و حاجة كفس لي كنت تنواجه ديك الفترة هي واحد الشعور بالعار. فديك الفترة كنت ديجا معمق فالصحة النفسية و قااري على العقل، و تنكتب كتااب على العقل سيداتي و سادتي. إوا علااش تا عقلي محمقني؟ هاد السؤال كان تيطيح لييا فباالي. و عقلي جاوبني و قاليا "نتا نصااب".
عقلي قاليا، شكون نتا باش تقري الناس كيفاش يقادوا نعاسهوم و نتا نعااسك مخربق. إوا يلا عرفوك الناس، فين اتدير وجهك؟ مهم هانتوما دابا عرفتوا، و لكن هانياا. 😬
حسيت بالفشل ديك الساعة و حتى الحشمة و النفاق مع رااسي، و لكن حمد لله. تفكرت فديك اللحظة شي أمور بسااطين لي كنت دااير فالكتاب و أمور أخرى و عاونوني نقاد نعااسي و نتغلب على الستريس فديك اللحظة.
جلس دابا مع راسك و فكر فشنو الأحكام لي تاطلق على رااسك. شنو تيقوليك الستريس عليك؟
و تحت من داك الحكم، كتب بلي هذا الستريس لي تيهضر و تيحكم عليا، و الحكم ديالوا غالط.
ماشي حيت حسيتي براسك فاشل راك بصح فاشل. الأحاسيس ديالنا تتكدب شحال من مرة
