الستريس تيعني رااني تنهتم. 

هادي واحد من أكبر الكدبات لي تنصدقوا. 

فشي محطة من محطات الحياة تعلمناا جميع بلي الستريس هو الحب، و يلا ماكنتيش مستريسي يعني راك ماتتحبش و ماتتهتمش. 

يلا ماكنتيش قلق بخصوص الأبناء ديالك، راك أب سيء. ماكنتيش قلق بسبب الخدمة، راك ماعاطيهاش أهمية. مثلاا، فالخدمة عدناا تيقولك الأستاذ ديال بصح هو لي تيحس بالستريس و تيهز الهم و يبقا يفكر فيها ليل و نهاار ... ما هذا الهراء؟؟؟ 🤦🤦

الستريس ولا عدناا مؤشر على أن الإنسان تيهتم من نيتو. داباا من ناحية بصح الستريس تيجيك فاش تتكون مهتم بشي حاجة، اييه هاادي كااينة. و لكن راه مااشي شرط. مااشي خااصني أنا نكون مستريسي بااش عااد نبين ليك نتاا بلي رااني تنهتم. 

هاد الفكرة تتخلينا نلعلبوا دور الشهيد: تنضحيو براحتنا، صحتنا النفسية، النعااس ديالناا، الطاقة دياالنا، العلاقات ديالنا شي مراات بااش نبينوا للناس أن حناا تنهتموا. 

و نفكروا فواحد الحااجة: فاش الستريس تيحكم فيناا، واش تنقدوا نجلسوا مع الشخص لي تنبغيو و نعطيوه وقتوا؟ تنقدوا نسمعوا ليه مزياان؟ نحسوا بيه؟ نهتموا بيه؟ 

يلا كنتي صريح، الجوااب هو لااا. 

الستريس ماتيعااونكش أنك تتهتم بالناس ولا بالخدمة ديالك ولا بأي حااجة. ماتيعااونكش گااع. 

تنقدروا نعاونوا الناس و نكونوا معاهوم فاش تنكونوا كاالم و مرتااحين. الستريس ماتيبينش انك تتحب ولا تتهتم. تيبين انك تتخاف. و الخوف ماتيخليكش تحب رااسك ولا تحب الناس كيما تيستحقوا. 

شنو هي شي حاجة لي نتا مستريسي دابا بسباابها حيت تتقول مع رااسك تتهتم بيها؟ 

و سول رااسك واش بصح الستريس نافعك، واش حيت نتا مستريسي دابا تتقدر تهتم بهاد الحاجة أو الشخص كتر؟

غادي تلقى يلا كنتي صريح مع نفسك بلي يمكن تهتم بالحاجة و نتا كاالم. 

و غادي تكتشف بلي الستريس ماتيعنيش بلي راك تتهتم. تيعني بلي راك خاايف.