غاادي نكون كاالم فاش حياتي تولي بخير 

هااد الفكرة تتباان لوجيك. هاادي أنا راه حيااتي كاملة و انا تنقولهاا. 

كنت ديماا تيوقع ليا شي مشكل. تنتستريساا معااه. تنهز ليه الهم. تنعااود داك المشكل للناس كااملة. تيعطيوني النصيحة الذهبية ديال 'مااتستريسااش' و تنقول ديماا بلي غي ندوز هاد المشكل و ماغااديش نعااود نهز الهم لأي حااجة. و داك المشكل بصح تيتحل، و تنرتااح. و لكن شنو تيوقع من بعد؟ ايييه، تيجي مشكل اخوور. و عوتااني تنرجع نقول غي نحل هاد المشكل و عمري مانعااود نتستريساا. تيتحل المشكل و عوتااني، تنرتااح واحد المرة، تيجي مشكل اخوور، تيرجع الستريس عوتااني. 

وااحد الفكرة ديال غاادي نولي كاالم و نرتااح فااش يتسالاو المشااكل تتبان منطقية حيت كيفاش اترتااح و نتاا عندك شي حااجة ماشي هي هاديك فحيااتك! تتبان منطقية. 

و لكن المشكل هو أولا، المشااكل ماتتسالاش. أيدوز مشكل، و غادي يجي مشكل اخور، شي مراات تتلقى نفس المشكل تيتعاود ليك، شي مرات تيجيوك مشاكل أكبر، شي مرات مشااكل لي ظنيتي انك صاافي تجاوزتيهاا تتعاود ترجع. المشاكل هوما جزء من الحياة. حيااة بدون مشااكل ماشي حياة هادئة، بالعكس هي حياة مملة و ربما ماتستحقش أن حنا نسميوها حيااة من الأساس. 

خااصك تدرب عقلك على أنه يحقق السلام و الهدوء، ماشي يقضي على المشاكل. السلام هو حالة نفسية داخلية، أما غياب المشاكل هو ظرف خارجي. و الظروف الخارجية ديال حياتك عمرها ماغادي تقااد بشكل مثالي ديماا باش عاد نكونوا سعدااء. مايمكنش نتحكموا فالحياة و نخليوها مثالية، ضروري من المشاكل. 

الناس لي حققوا هاد الراحة النفسية ماشي تخلصوا من المشاكل. فقط ماخلااوش السلام الداخلي ديالهوم مرتبط باالقضاء على مشاكل خارجية.