أنا هكاا دااير

هادي هي السلوغية رقم وااحد. هادي هي سطااج الوحش ديال القصص و الأفكار لي عقلك تيقوليك. و أنحكي ليكوم شنو تنقصد بيهاا و كيفااش هاد الفكرة الخااطئة تتجي. 

هاد الفكرة الشريرة ديال "إوا أنا دااير هكاا" تتجي بالشوييا، غالبا تتجي من بعد الفشل. من بعد ماحاولتي تغير شي حااجة فرااسك، و درتي لي فجهدك، و لكن لقيتي رااسك وااحد مع نفس المشكل، وااحل فنفس لبلااصة. 

ربماا كنتي تتكمي لگارو ولا لحشيش و بغيتي تقطع، و ماقديتيش. ربماا كنتي إنسان عصبي و تتسرع، حاولتي تبدل و ماقديتيش. ربماا كنتي ديما تتبدا شي خدمة و تتأجلهاا ديماا. ربماا تكون حشومي بزااف و ماتتقدرش تهضر قدام الناس و تكون حاولتي تبداا تزعم و ماقديتيش. 

مهم حااولتي تبدل رااسك، و لكن فشلتي للمرة الأولى، الثانية، الثالثة، العااشرة، الحاادشة، إلخ ... جربتي و فشلتي حتى عقلك عياا من هاد الفشل و باش ماتبقااش تحس برااسك فااشل، عقلك قالك هاد الفكرة ديال "أنا دااير هكاا" ولا " هاادي هي شخصيتي" 

فهاد اللحظة ماتتبقاش تجرب تبدل و تترضى بالواقع المر. 

و تتشوف هادي فالعلاقات، تتهضر مع شي بنت على شي حاجة لي فيهاا و تتقوليك "إوا انا دايرا هكاا" هاادي "red flag" دياالي. تيبدااو يبرروا التسطية دياالهوم. 

( و حتى الدراري تيديرو هكاا، بلا ماتقلقوا البنات ) 

ربما نتا جربتي تدير شي حاجة باش تخلص من الستريس، تخرج تجري، تمشى، دير الرياضة، تمارين التنفس، تشوف فالمرااية و تبداا تقول "أنا قوي، أنا قوي، أنا قوي... و شدااتك البكية و قلتي 'أنا ماقوييييش 😭 بالدمووع" ربماا جربتي شحال من حااجة و فاش تاحاجة ماصدقات، قلتي مع رااسك صاافي و حكمتي على رااسك بلي نتا إنساان بطبيعتو مستريسي. 

أنا فااهم بلي نتا عييتي، جربتي شحال من حاجة و ماتبدل والو. عرفتك عييتي من نفس المشكل و ربما قررتي تقبلوا صاافي. عقلك تيقولك اترتاح هكاا. 

و لكن حذااااااري. هدااك راه فخ. 

حيت واحد الحاجة نسيتيها: نتا ماتزاديتيش مستريسي. 

هانتاا فكر فهاد القضية: تفكر أي دري صغير لي تتشوف فعائلتك، فالزنقة، ولا فالإنسطغرام، شوف كيفااش دراري تيضحكوا على أي حااجة. شد ورقة قطعهاا قداامو غاادي يبداا يضحك. دير رااسك زلقتي، غادي يضحك، غوت غاادي يضحك، ضرب رااسك غاادي يضحك. الدراري الصغاار تيعيشو لحظة بلحظة: فدقيقة تيبكي، دقيقة موراهاا تيضحك، دقيقة مورااها عوتااني تيديرها فليكوش ديالو، و نتاا ديك السااعة لي غاادي تبكي. 

و شتي هاد الطفل راه هو نتاا. هو خوك، هو صاحبك، هو صاحبتك، هو حناا كامليين. 

مزاال فالدااخل ديال كل واحد فينا نفس الطفل، و نفس القدرة على أن حنا نعيشوا الحياة لحظة بلحظة. 

هاد الستريس لي داباا تتقول هو الشخصية ديالك: ديك الحذر، ديك عدم القدرة على الإسترخاء، داك الضغط لي تتحس بيهاا دييما فرااسك، ديماا مزير، هاادشي كاامل ماجااش معااك. هاادشي تعلمتيه نتاا. تعلموا الجهاز العصبي ديالك باش يتأقلم مع بيئة سامة لي تزاديتي فيهاا، ولا بيئة لي نتاقلتي ليها. جهازك العصبي دار المهمة ديالو: شااف العالم كيدااير و تأقلم معااه. 

عاادي. هااديك هي خدمتوا. و لكن هاادشي ماتيعنيش أنك نتا شخص عصبي ولا مستريسي. نتاا شخص لي تيخدم تقنيات قديمة لي جهازك العصبي تعلمهاا باش يتعاامل مع مشااكل و نساا مايدير لميزاجور. صاافي. هاد لكتااب نعاام ا سيدي هو لميزاجوور لي نتوماا كنتوا تتنسااو. 😌