اوا راه الستريس جزء من الحياة

هادي اخر فكرة لي غادي نشوفوا و ربما هي الأخطر حيت فيها نسبة من الصراحة. 

اييه، الستريس جزء من الحياة. المشاكل، الصعوبات، الصدمات، الأزمات، الخوف، الضغط، خيبات الأمل، هاادوا بصح جزء من الحيااة. و خاصنا نتقبلوا هاد المسألة. 

و لكن الناس هناا خلطوا القبول مع الإستسلام. فاش تنسمع الناس تيقولو بلي الستريس جزء من الحياة تنلقااه غالبا ولا مستسلم ليه و ماتيدير واالو باش يتخلص منو. 

هانتوما، الشتاء راها جزء من الحياة. هادشي علاش الناس تيشريو مظل، ولا تيدخلوا للدار. الظلام راه جزء من الحياة، و هادشي علاش الناس تيشعلوا لبولات ديال الضو و كانو تيديرو الشمع. البرد جزء من الحياة و هادشي علاش الناس تيلبسوا حوايجهم و يتغطااو. 

ممكن تكون شي حاجة جزء من الحياة، و لكن واخاا هكاك نتقاتلوا معاهاا، نلقااو ليها الحل. 

و كيماا الشتاء جزء من الحياة، راه حتى الصيف. كيما الظلام جزء من الحياة، راه حتى الضوء جزء منهاا. كيماا البرد جزء من الحياة راه حتى الدفئ. 

و كيما الستريس جزء من الحياة راه حتى الهدوء و الراحة. 

و كيماا طوني روبينز تيقول: الألم ضروري. و لكن المعاناة إختيارية. 

ضروري ماغادي نواجهوا مشاكل. الستريس غادي يجي، مافيهاش النقاش. و لكن باش تقولي الستريس جزء من الحياة و هادشي علاش غاادي نستسلم ليه و نردوا جزء من حياتي، من الهوية ديالي، و نخليه يأثر علييا كل نهاار، هاادي لاا. 

الستريس رااه ضيف. و كيماا تنقولو ضيافة النبي 3 أياام. الستريس غاادي يزورك مرة مرة، ماعلييش، و لكن ماتخلييهش يطول.