شنو الفرق ما بين نااس لي نااجحين فحياتهوم فجميع المجالاات و نااس لي واخاا يديرو مجهود تيفشلوا ؟

الفرق هو أن نااس لوالاا عارفين أسرار و خطواات النجااح و تيخدموا بيهاا و نااس لوخرين تيديروا جهد بدون مايطبقوا الخطوات 13 الضرورية للنجاح  وليوم غادي نعرفو شنو هي هاد الخطوات فكتاب لي هو واحد من أحسن و أشهر كتب التنمية الذاتية فالتاريخ هو Think and Grow Rich ديال Napoleon Hill.😍

هاد الكتااب هو نتيجة ل 20 سنة ديال العمل لي قام بيها الصحفي Napoleon Hill تحت طلب واحد من أغنى رجال الأعمال فالقرن العشرين Andrew Carnegie. 

تلاقا Andrew Carnegie الصحفي Napoleon Hill واحد نهاار و Andrew طرح واحد السؤال على Napoleon و حيت قدر Napoleon أنه يجااوب إجابة صحيحة على السؤال، كلفوا داك خونا بمهمة أنه يدير كتاب على فلسفة النجاح فالحياة. 

و فلول حذروا و قاليه بلي هاد المهمة ماغاديش تكون سااهلة و ماغاديش تااخد تا شي مقابل ماادي، و ايخصك تضبر على راسك فهاد الفترة باش تعيش. Napoleon ماافهمتش علاش و لكن قبل بهاد المهمة و حمد لله حيت قبل حيت النتيجة ديال 20 سنة ديال البحث و المقابلات لي دار مع أكثر الناس نجاحا و أسوأهم فشل عطاناا هاد التحفة. كتااب ديال النجاح لي مقسم على 13 فصل و كل فصل تيمثل خطوة ديال النجاح.

1⃣ الفصل الأول تيهضر على 'الرغبة'. بااش تنجح فالحياة خاص تكون عندك واحد الرغبة ملحة، مااشي تقول " واا صرااحة ماكرهتش نجح، مااكرهتش نولي لابااس، مااكرهتش ... " هاد لهضرة ماتتنفع بوالو. خاص تكون عندك رغبة ملحة و يلا كانت عندك من بعد تايخصك ...

2⃣ 'الإيمان' الفصل الثاني تيهضر على أهمية تيق فرااسك و تكون مٱمن بلي رااك غادي تنجح و إلا راه أي مجهود لي ادير ايكون غي مضيعة دالوقت. 

3⃣ هاد الإيمان تيباان ف 'autosuggestion' لي هو الخطاب ديالك مع رااسك. واش تتبقى تقول على راسك راك نااجح ولا نوو، و داكشي لي تتقول على رااسك تيولي حقيقة ❤️ 

4⃣ الفصل الرابع تيهضر على المعرفة المتخصصة. بغيتي تدير شي مشروع خااصك تبحث و تفهم دااك ضومين مزياان عاد تبدا مشروع 

5⃣الفصل الخامس تيهضر على 'imagination'. كلنا تنعرفوا نجلسوا و نتخايلوا قبل مانعسوا بالليل و لكن هنا المخيلة عندها معنى ٱخر. هاد تيليفون لي تنكتب بيه و تيليفون، ولا طابليط، ولا بيسي، ولا حتى تلفاازة فين تتقراا هاد لبوسط، كاانت فلول غي فكرة. كانت فمخيلة شي شخص و ولات حقيقية. الفكرة لي تتخايلها داباا كذلك يمكن ليها تخرج لأرض الواقع و تولي بصح يلا خدمتي عليها و زدتي عليها دوك العناصر ديال النجاح لي مذكورين هنا.

6⃣ الفصل السادس تيهضر على التخطيط. ماكااينش شي حاجة لي تاتجي غي هكاك؛ عندك شي فكرة فراسك خااصك توجد ليها و تفكر كيفاش تخليها حقيقة.

7⃣  الفصل الساابع تيهضر على نقطة مهمة بزااف و هي تاخد قرارات. بزااف ديال الفرص تيضيعوا من حيااتنا حيت ماتنقدوش ناخدوا قراار فالوقت، و هاد الفصل  ايعاالج هاد القضية

8⃣ الفصل الثامن تيهضر على الإصرار 💪 من تجربتي الخاصة و تجارب بزااف دالنااس تيتحقق النجاح من بعد محاولة ولا 2، من بعد خطوة ولا 2 من الفشل. يعني فااش تفشل، غي عااود جرب و رااك اتكون قريب للنجاح كتر من لي تتوقع 💪 نميلوا و مانطيحوش 🐊 

9⃣ الفصل التاسع تيهضر على 'Mastermind' و هو ببسااطة مجموعة ديال الناس لي تيعاونو بعضهوم باش يحققوا أهدافهم. مااغااديش تحقق بزااف دلحاجات يلا بقيتي بوحدك. تعلم طلب المساعدة. 

🔟 الفصل العاشر تيهضر على تحويل الطاقة الجنسية. ماتيقتصرش هاد الفصل غي على الجنس فقط، و لكن تيهضر عليه على أساس واحد من ضمن 10 ديال الأشياء لي تتحفز العقل و الناس على الإبداع.

1⃣1⃣ الفصل 11 تيهضر على العقل الباطني و القوة ديالو فالتأثير على حياتناا و كيفااش تخليه يخدم لصالحك، مااشي ضدك

1⃣2⃣ الفصل 12 تيهضر على العقل. و شي وظائف ديال العقل لي تتجااوز الإستخداام العاادي و تتوصل بيه لأنه يقوم بشي أمور لي تتبان بحال السحر.

1⃣3⃣ الفصل 13، ٱخر فصل تيهضر على الحاسة السادسة و بما أنكم عارفين الحاسة السادسة شنو تتعني، غاادي نحبس هناا و نقولكوم تمشيو تقرااو هاد لكتااب دابااا  دابااا دابااا 😁

وصلتي لهنا؟ برطاجي لبوسط مع الناس لي تبغي تقرى لكتاب معاها 💓 

 لكتاب أتلقاوه هنا بالعربية، الفرنسية، و الإنجليزية  😀👇👇  

https://drive.google.com/drive/folders/think-grow-rich

ويلا كانت عندك صعوبة أنك تقرى كتاب وتكملو، اتلقى الحل هنا: 👇👇👇 

كيفاش تقرى كتاب فنهار! - Grow B'dariija (growbdarija.com)

بييييس ✌️