كيفااش أتختاار كتااب و هوما كاينين بزااف و كل واحد موضوع مختلف؟ و كل وااحد فيه شي حااجة لي زويينة و تبغي تقراها؟

يمكن ليك إماا تحااول تقراا كولشي، و هاادي فيها تماارة و يمكن مستحلية!

يمكن ليك تدير بنااقص و ماتقراا والو، و هاادي  ماغاديش تنفعك تطور حياتك و تزييد للقداام!

و يمكن ليك تختااار كتااب واحد لي غاادي يغنيك على جميع لكتوبة و ينفعك تزيد بحيااتك للقداام.

و هاد لكتااب ل 1 لي ايغنيك على جميع لكتوبة، هو لي انهضروا عليه ليوما. 

كتااب 'Awaken the Giant Within' أي أيقض العملاق الذي بدااخلك. هاد لكتااب ايتحداك تدير واحد لحاجة، قبل مانعرفوها، نهضروا على ملخص ديال لكتااب بعدا.

⚫️اتلقاو لكتااب هنا بالعربية و الإنجليزية: 👇👇👇

https://drive.google.com/drive/folders/awaken-the-giant-within

من العنوان تيباان ليينا المفهوم ديال لكتااب. لكتااب على النجاح و الصحة النفسية و المبدأ ديالو هو الإنساان رااه وااعر و عندو جميع القدرات  لي محتااج باش يحقق النجاح، و هاد لكتااب غاادي يفكرك بدااكشي لي عندك.

الكتااب مقسوم ل 4 ديال الأجزاء و كل جزء فيه مجموعة ديال الفصول. فالمجموع لكتااب فيه 26 فصل ( بزاااف ) و حيت بزاااف ماغااديش نشرح كل فصل و لكن أنكتفي بالهضرة على الأقساام 4 لي كاينين و نذكر دااكشي لمهم فيهوم بعجاالة. 

1⃣ الجزء لول بعنوان "Unleash Your Power" أي ' طلق لعنان للقوة ديالك ' و تيهضر على المعتقدات لي حنا عدنا بلا مانحسوا بيها و تتأثر علينا و كيفااش نكتشفو هاد المعتقدات و نخليوهاا تخدم للصاالح دياالناا باش نزيدوا بحيااتنا للقداام. 

⚪️واحد لحاجة، هنا المعتقدات ماعندهاش معنى ديني، و لكن تترمز لأفكاار ديالناا لي عندها علاقة بيينا و بحيااتنا و حناا شاادين فييها مزياان. مثلا، يلا كنتي شااد فرااسك الفكرة ديال نتاا ماتتسوى واالو و ماعندك تاا شي حااجة ديال المنفعة لي تقدم للنااس، غاادي تعيش حيااتك فواحد الدواامة ديال الحزن و ماغاادي تقدر تخرج منهاا حتى تعرف بلي نتاا عندك هاد الفكرة أصلا و من بعد اتخلص منهاا. 

⚪️ صعييبة تعرف بلي عندك بحال هاد الأفكاار حيت هوما تيكونو جااوك من طفولة و نتاا تتكون ولفتيهوم، تيجيوك عاديين. و صعيبة كتر تحيدهوم من رااسك، و لكن هااد لكتااب غاادي يخلي هاد المسألة سااهلة و أتقدر تغير رااسك فقل من نهاار و قل حتى من سااعة. 

⚪️ مساائل أخرى لي كاينة فالجزء لول هي كيفاش طريقة لي تنهضرو بيها مع رااسنا مهمة، كيفااش تخرج من أي  مشكل واخاا يكون مرضك من شحاال هاادي و تحقق نجااح لي بااغي فحيااتك.

⚪️هاد الجزء فيه 12 ل فصل.

2⃣ الجزء الثااني عندو علاقة مع المستقبل ديالك. الجزء لول كان بدرجة أولى تيهضر على المشااكل و المعتقدات لي واقفين فطريقك و كيفااش تخلص منهوم، و هاد المشااكل رااه الأصل و الجدر ديالهوم كااين فالمااضي. أماا هاد الجزء الثااني من لكتااب تيشوف للقدام.

🔴فهاد الجزء Tony Robbins تيوريك كيفااش تكون سعيد فحيااتك و كيفااش ترسم لرااسك وااحد الطريق لي تكون سعيد فيهاا و مااشي غي سعيد، تكون رااضي و تتحس بلي عندك واحد القيمة و تتخلي واحد الأثر إيجاابي فحيااة النااس. 

🔴باش تحصل على هادشي لي ذكرت، الكااتب تيعااونك تعرف القيم لي مهمة عندك فحيااتك و كيفااش تخلي الطموحات ديالك غاادة فنفس الطريق ديال القيم المهمة عندك. لي تيجمع هاادشي كااامل ( القيم & طموح لي تكون مرتااح و فرحاان فيه ) تيعتمد على  أقوى رغبة عند الإنساان، و هاد الرغبة مذكورة فٱخر فصل فالكتااب، الفصل 18، يلا بغيتو تعرفوهاا سيرو قرااو لكتاااب 🐸

🔴هاد الجزء فيه 5 ديال الفصول 

3⃣ الجزء الثاالت سميتو "The  Seven Days to Shape Your Life" أي 7 أيام بااش تشكل حيااتك.

🔵فهاد الجزء كااين 7 ديال الفصول و كل فصل تيهضر على وااحد   الركيزة فحيااة الإنساان لي خاصوا يهتم بيها يلا بغاا يعيش حيااة متواازنة.

🔵هاد الركائز هوماا: العوااطف دياالك، الجاانب الجسدي، العلاقات دياالك، الجاانب الماادي، تسيير الوقت & ٱخر حااجة ( لي غاادي تعجبكوم ) هي الرااحة و النشااط 🕺🕺 

🔵هادوا تنظن راه شاارحين رااسهوم بلا مانزيد نشرحهوم هناا 🐸 

4⃣ الجزء الراابع ياا المشااهدين فيه غي فصل وااحد و هو خلاصة تتجمع دااكشي لي قريتو كاامل و فيه تحدي ليكوم يلا كنتوا قريتو لكتااب كاامل أنكم تااخدوا داكشي لي قااليكوم و تنفذوه. 

⚫️التحدي دياالي ليكوم هو أنكم تمشييو تقرااو هاد لكتااب و أي كتااب ديال Tony Robbins هو شي حااجة لي خاصكوم تقرااوها و تستحق كل دقيقة من وقتكم 💪

⚫️يلا مزال مادرتوها، دخلوا طيليشارجيو لكتااب هنا بالعربية و الإنجليزية: 👇👇👇

https://drive.google.com/drive/folders/awaken-the-giant-within

ويلا كانت عندك صعوبة أنك تقرى كتاب وتكملو، اتلقى الحل هنا: 👇👇👇 

كيفاش تقرى كتاب فنهار! - Grow B'dariija (growbdarija.com)

بيييييس ✌️