فاايت ليك فكرتي فهاد السؤال من قبل و ضرك رااسك؟ و بغيتي تفهمو؟ 

كمسلمين عاارفين بلي الله ماتيظلمش و متيقنين منهاا، و لكن واخاا هكااك تيبقى عدنا داك التسااؤل ديال كيفااش غادي نتحااسبو على شي حااجة لي ديجاا مكتاابة علينا.

هادشي ماتيدخلش للراس و حااجة عاادية يضرك رااسك و تبغي تفهمهاا.

و فهاد لبوسط غاادي نهضرو و نفهمو هاد القضية.

⚪️ نااخدوا واحد المثال بااش توضح لينا الصورة.

كأستااذ ديال لونغلي ( و أي أستاذ ديال أي مادة ) غادي نعرف قبل مانعطي للنااس شي إمتحاان شكون لي ايجيب 20 فالفرض، شكون لي ايجيب قل، شكون لي ايتكالاا تيتغش و هي غاادة. حيت انا لي تنقريهوم هاادي مدة و عاارف المستويات ديالهوم بصفة عاامة. 

يلاا كنت انعطي للتلاميد لي تنقري امتحاان و قبل مانفرق لورااق قلت ليهوم رااه فلان ايجي هو لول و ايجيب 20 و هاادشي نيت وقع كيماا قلت، رااه ماتيعنييش هادشي انني تلاعبت بالنقط و هذااك لي قلت علييه ايجيب 20 جاابهاا حيت اناا قلتهاا ولا مشيت تلااعبت بالنقط. 

1⃣ اناا توقعتهاا و صاافي و التوقع ديالي  كاان صحيح. كااينة إمكاانية ان التوقع ديالي يكون غاالط و هادي حااجة عاادية حيت ماعنديش علم الغيب، و لكن الله عندو. الله يعلم ما في الأرحام و عندو علم الساعة و عاالم بالرزق ديالناا و بالغيب كاامل

يعني الله عارف شنو حنا غادي نديرو و كتبوا فاللوح المحفوظ، و  هذا دليل على أن الله تيعلم بالغيب مااشي أن الله حگاار و فرض علينا نديرو شي حااجة و حناا انديروها و غي أبرياء. 

🔵هذاا جواب واحد على السؤال و الجواب الثااني هو ...

2⃣ الإنساان راه ميسر  و مخير. عندنا الإختيارات فشي أمور و فشي أمور لاا. 

مثلا ماكااينش شي حد لي ختاار فين ايتزااد ولا سميتو ولا واليديه ولاا بزااف ديال الأمراض لي تتصيبنا و شي مراات حتى تجاارب سيئة تتوقع ليينا هي لي تتجي عدناا و تتصيبناا. "قُل لَّن يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ۚ وَعَلَى اللَّهِ فَلْيَتَوَكَّلِ الْمُؤْمِنُونَ (51)سورة التوبة.

فااش هاد الأمور السلبية تتوقع ليينا تتكون إختبار و إبتلاء ليينا، حنا ديك السااعة عدناا الإختياار فكيفاش انتعاملوا معاهاا. مثلا يلا مرضتي شي مرض لي قاتل و بقات ليك سيماانة، شهر، عاام ولا حتى نص سااعة، فداك الوقت لي مزال ليك فالحيااة شنو اتديير ؟ واش اتمشي تصلح علاقتك مع الله ولا تمشي تسكر و تزني بااش تسمى استمتعتي بداكشي لي بقا ليك فالحياة ؟ هاادشي امتحان صو كيفااش اتجااوب ! الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلًا ۚ وَهُوَ الْعَزِيزُ الْغَفُورُ (2) سورة الملك. 

🔴و ٱخر حااجة هي: 

3⃣ "و وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ ۖ وَسَتُرَدُّونَ إِلَىٰ عَالِمِ الْغَيْبِ وَالشَّهَادَةِ فَيُنَبِّئُكُم بِمَا كُنتُمْ تَعْمَلُونَ (105)سورة التوبة.

هاادي ٱية من ضمن بزااف فالقرٱن لي تتوصي النااس أنهم يعبدوا الله و يقوموا بالأعمال حيت ايجي واحد الوقت لي غادي يتحاسبوا  على ديك الأعمال لي كان تيدير و ديك السااعة من يعمل مثقال ذرة خيرا يره و من يعمل مثقال ذرة شرا يره.

بس: لي ماعرفش الشخص لي فالصورة، هذااك ذاكر نايك أحسن داعية فعصرنا و أحسن شخص لي يقدر يجاوبك على أي تساؤل لي فراسك.

بس2: دخلوا تقرااو اخر بوسط على 10 ديال الفوائد من سورة يوسف 👇👇 

https://www.growbdarija.com/surat-yussuf

بيييييس ✌️