يلا عمرك تساائلتي على شنو الهدف ديالك من الحيااة؟ شنو شي حااجة لي نتا فهاد الأرض بااش ديرهاا، خااصك تفرج فهاد لفيلم حيت هو تحفة فنية لي غاادي تخلييك تشوف هاد المسألة من منظور مختلف تماما.

فيلم 'Soul' تيهضر على أستااذ ديال الموسيقى لي تيخدم فواحد المدرسة بدوام جزئي. هو تيبغي الموسيقى و لكن ماتيبغيش خدمتوا فديك المدرسة حيت تماياا ماعااطيش جهدوا و تيقري غي دراري صغار لي ماعندهوم حتى موهبة فالموسيقى، غاادي تهضر معاه المديرة و تقوليه بلي راه بغااو يخدموه معاهوم ديماا و هو غاادي يقبل ديك سااعة غا حيت ماعندوش بديل اخر و صافي. غاادي يقولها لمالين دارو و غاادي يفرحوا بيه و لكن هو مزاال مامرتااح و قبل دااك الخدمة غي باش يفرح موو و حيت ماقدرش يقوليها لا1⃣.

خبر ثااني غادي يجيه فداك النهاار ( و هاد المرة خبر لي زويين ) بلي راه واحد الفرقة موسيقية بغاات تسمعوا تيعزف لبيانو و يلا كاان فشكل رااه غاادي يشدوه معاهوم. هذااك كان هو الحلم ديالو، مشاا يعزف، عجبهوم و دارو معاه يجي فالعشية و يجي لابس شي كوستييم لي نااضي، بقوة الفرحة بقاا غاادي تيجري و تيهضر فالطريق بلا ماينتاابه و هو يطيح فقادوس و مات 2⃣

  هناا غاادي يمشي للٱخرة و غادي  يكون تما 2 بلايص: بلاصة لولة هي فين الأرواح تتودع و صافي، تتموت فخطراا و لبلاصة ثاانية هي فين أرواح ديال ناس لي ماتت تتعلم أرواح جديدة كيفاش يتصرفوا فاش يهبطوا للأرض، هو غادي يهرب من بلااصة لولة للبلاصة ثاانية و  ايتلاقا بواحد الروح لي ماحاملاش تمشي للأرض تعيش و هو ايدير معاه يمشي بلااصتهاا و الشرط باش تيحلو ليك لبيبان و روح جديدة تهبط للأرض هو ديك روح جديدة تلقى واحد 'الهدف' واحد لحاجة لي تخليها تبغي تعيش عاد تهبط3⃣.

داك الأستااذ ديال الموسيقى غاادي يحااول يخلي ديك الروح تلقى هدف ديالها فالحيااة و لكن والو، تا شي حاجة ماغادي تعجبها و غادي يقربوا يستسلموا حتى غاادي تفكر ديك الروح الجديدة بلي كاين واحد الشخص لي يقدر يهبطهوم للكرة الأرضية، و بصح ايعاونهوم و لكن المشكل هو داك الأستااذ ديال الموسيقى ايرجع للأرض و لكن الروح ديالو اتدخل فقطة و ديك الروح الجديدة لي ماكنتش حاملة تعيش فالأرض 4⃣

اتهبط و اتدخل فالجسم ديالو هو و غاادي تبدا تعيش حياتو مؤقتا و أستاذ الموسيقى ايشوف الحياة  اليومية ديالو من منظور اخر 5⃣ 

من بعد واحد الساعات قليلة غاادي يقلبوا على داك الشخص لي رجعهوم  للكرة الأرضية باش يرجع الأستااذ للجسم ديالو و يمشي يكمل حياتو و يحضر لداك الحفل الموسيقي لي كان حياتو كاملة و هو تيسااينو 6⃣ و لكن فااش غاادي يلقااوه، ديك الروح الجديدة ماغاديش تخرج من الجسم ديالو و ترجع لعالم الأرواح حيت عجباتها شحاال من حااجة فالكرة الأرضية 7⃣

أستااذ ديال موسيقى ماغااديش يمل و غادي يمشي يقنعها هي بااش تعطيه الجسد ديالو و غاادي تبغي و اترجع هي لعالم الأرواح.
غاادي يكمل النهاار ديالو و غادي يمشي يحضر لداك الحفل الموسيقي لي كان تيتسنااه حياتو كاملة 6⃣  من بعد ماغاادي يشاارك فيه غاادي يحس بلي حيااتو  مزاال ناقصة فيها شي حااجة و تماياا ايحااول يرجع لعالم الأروااح باش يهضر مع ديك الروح الجديدة و يعطيه بلاصتها باش تعيش فالكرة الأرضية.
دااكشي لي غاادي يوقع و لكن فين غادي يدير هاد القضية ماغاديش يقدر يرجع للكرة الأرضية؛ حيت اصلا هو كان مات قبل و الشرطة ديال الأرواح تتقلب علييه.

غاادي يرضى بالأمر الوااقع و لكن قبل ماغاادي يمشي للمرحلة الأخيرة باش حتى الروح ديالو تختفي، غاادي يسول النااس لي خدامين فالعالم الٱخر كيفااش هااديك الروح الجديدة لي كان تيعاون تلقى 'هدف' ديالها فالحياة حصلات على بطااقة العبور للكرة الأرضية واخاا مالقااش ليها و مالقااتش هي راسهاا هدف من الحيااة ...
و هوما غاادي يبدااو يضحكو علييه و قالو لييه على واش من نيتك كان تيصحاابك راه ديك البطااقة ديال العبور تتعني صاافي لقيتي الهدف ديالك فالحياة 3⃣ و غاادي يمشيو.

فاللقطات الأخيرة من الفيلم غادي يكون أستاذ الموسيقى فطريقوا باش يختفي نهائيا من العالم و ديك سااعة النااس المسؤولين على عالم الأرواح غاادي يعطييوه فرصة ثاانية انه يهبط للكرة الأرضية و يعيييييييش حيااتو 8⃣ و دااكشي لي هو غاادي يدير ... بطريقة مختلفة تماما.

 دخل لهنا باش تقرى الجزء الثاني لي غادي نهدرو فيه على العبر المأخودة من هاد لفيلم 👇👇 

كيفااش تلقى هدفك فالحياة؟ - الجزء الثاني - Grow B'dariija (growbdarija.com)

و لي ديجاا تفرج ليه، يقوليينا شنو العبر لي خداا منو؟

بيييس ✌️