2⃣بقااو تحلوا عينيكوم فااش تقطعوا الطريق 🐸

3⃣ الهدف ديال الإنساان فالحيااة مااشي شي حااجة لي تيتزااد بييها ولا ضروري يكون عاارفهاا من قبل، يقدر يكتشفهاا فواحد السن صغيرة و يقدر يكتشفهاا فسن كبييرة، حناا عدنا واحد العادة ديال تسول دري صغير شنو بغيتي تكون منين تكبر ( و هي زوينة من نااحية تخلق واحد النوع ديال الطموح عند الإنساان ) و لكن تتولي خاايبة فااش تيولي وااحد الضغط على لواحد، انه خااص يكون عاارف شنو باااغي يدير و يلا ماعرفش ولا مااعندوش واحد الخطة فالحيااة رااه صاافي إنساان فاشل و ايبقا حياتو كاملة هكااك، يلا ماعرفتي ماتديير عييش حيااتك و الهدف غاادي يجي من بعد

4⃣   ديك الروح الجديدة كانت فلول كارهة الحيااة و محيدا هاد الفكرة من راسهاا و لكن فاش نزلات الأرض عجبوها شي حواايج بسااط: بحال تحك سنانها، تلبس حواايجهاا، تشرب عصير، تحسن شعرها، تجلس تهضر مع شي حد، تااكل بيتزا ... و صاافي غي هاادشي لي عجبهاا و خلاها تعيد النظر فالحياة، و تا حناا  يلا  بديناا تنديروا هاد العادات الصغيرة و تنعطيوها أهميتها نقدروا نلقااو فيها واحد المتعة بغض النظر على البسااطة ديالهاا، و دوك لحاجات البسيطة يلا درتيهوم مع نااس قرابين ليك تيولييو تيخلقوا ليك سعاادة كبييرة

5⃣ فاش ديك الروح اتعيش حياة الأستااذ غاادي يعرف بلي رااه كان داير أكبر غلط فحياتو هو أنه گااع ماعااشهاا. باان ليه بلي حياتو كانت منغمسة فالخدمة ديالو و صاافي، و ماكاانش تيهضر فشي حااجة خراا من غيرهاا. فااش تيتلاقاا صحاابو كان تيهضر معاهوم فالموسيقى، فااش كان تيساالي الخدمة تيفكر فالخدمة، كاان تيبغي شي بنت و مااعمروا قدر يهضر معاها حيت كان تيسااين حتى يساالي الخدمة و هكاا بقاا عاايش حياتو فوااحد الروتين ممل و نساا أنه يعيشهاا.

6⃣ الأستااذ كان حلم حياتو هو يعزف مع وااحد الفرقة موسيقية فشي حفل ديالهاا، و فاش وصل لداك الحلم لي كان تيسااينو لقااه شي حااجة عاادية، مااشي كيما كان هو متوقع، و عرف بلي كاان واحد المتعة كتر فالخدمة ديالو فاش تيقري دراري صغاار الموسيقى مقارنة مع داك 'حلم حياتو'

7⃣ لحاجات لي عجباتها فالحيااة هي الأمور البسيطة لي حنا تتجينا مملة كيما قلت فالنقطة  4

8⃣  فااش غاادي يااخد فرصة ثاانية فالحياة ( و كلشي تيستحق فرصة ثانية ) غاادي يقرر أنه يدير حااجة وحدة هي يعييش فاللحظة و صاافي، حااجة لي خاصناا كاملين نديروهاا

بس: كااين بزااف ديال الأفكاار و العبر كتر فهاد لفيلم و لكن من الأحسن تشوفوه و تحسو بيهوم راسكوم.

بييييس ✌️