كيفااش تحكم فالعواطف ديالك و فالحياة ديالك ؟

**بااش تستاافد من هاد لبوسط كتر، من الأحسن يكون حداك ورقة و ستيلو و تقوم بهاد التمرين**

النااس كاملة تتبغي تحس بالفرح صو ناخدو هذا كمثال!

يلا سولتك شنو خاص يوقع باش تكون سعيد غادي تبدا تعطي مجموعة ديال الشروط، خاصني نجح فهادي، تهضر معايا هاادي، توقع هاادي، ندير هااد الحااجة و هي غاادة ....

هاادو شروط او قواعد لي يلا تحققوا غادي تحس بداك الشعور ( فهاد الحالة السعادة ) و يلا ماتحققوش رااه ماغاديش تحس بيها

دابا فديك الورقة كتبوا شنو تيخص يوقع بااش تكونوا سعداء، اوكي ؟؟

🔵كمثال، يقدر يكون الجوااب ديالك هو:

غاادي نحس بالسعادة يلا استحقيتها، يلا النااس كولهوم تقبلوني و تقبلوا أفكااري و ماخداوش علييا نظرة سيئة، غاادي نحس بالسعاادة يلا كنت مثالي

لي دااير  هاد الشروط باش يحقق السعادة فحياتو، صعيب أنه يحس بيها🙃

علااش ؟

حيت فيها مشااكل و فيها خلل.

( هاد المشاكل  لي انقول شوفو واش كاينة فدااكشي لي كتبتوا نتوما )

1) الشرط ديال السعادة فيه خلل  يلا كان مستحيل أنه يتحقق. مثلا فداك المثال ( غادي نحس بالسعادة يلا النااس كاملين تقبلوني ) فإنا عاام و فإنا بلاصة غاادي تلقى نااس كامليين تيبغيوك ؟ ماايمكنش. ماكااينااش! يعني تتبني السعادة ديالك على حاجة لي مستحيلة.

2 ) الشرط فيه خلل، يلا كنتي نتا ماتتحكمش فيه. فداك المثاال، رااه ماشي انا لي تنتحكم فالنااس واش يبغيوني و يقبلوني ولا نو، و الحااجة لي مااتحكمش فييها، ماعمرك ماغادي تشدها و حتى يلا خديتيهاا تقدر تحيد منك فأي لحظة. يلا عشتي هكاا، اتكون عبد ديال النااس، فاش تيقبلوك تتفرح، و فااش تيرفضوك مااتتفرحش 🐸

🔴داباا نحاولو نصلحوا هاد الخلل فالمثال ( و فداكشي لي كتبنا )

مثال لي خاالي من داك العيوب غاادي يكون:

أنحس بالسعادة فاش تنكون متقبل العيوب لي فييا، فاش مانٱذي حد، فااش تنتفكر گااع دوك لحواايج زوييينة لي وقعاات لييا

هااد المثاال زويين ( بحاال لي كتبوا ) 😇

2) نتا لي تتحكم فيه، حيت عندو علاقة بيك بوحدك،(  نتا اتقبل عيوبك، نتا ماتتٱديش النااس، نتا تتحمد الله على داكشي الزويين لي وقع ليك فحيااتك ) ، هاادشي ماكااينش شي حد لي يمكن يحيدو ليك ولا يتحكم فيك

3) كااين بزاااف ديال لحواايج لي يخلييوك سعييد ( ماتٱدييش بناادم، تحمد الله، تقبل عيوبك ... ) يعني ترجع غي لحااجة وحدة فيهوم اتولي سعييد، ويلا رجعتي 2 اتولي اسعد  🐸 و مهني فحياااتك 

هاد الفكرة تتنطبق على جميع المجالات، ندوز على المهمين بالزربة

#كيفااش تحكم على راسك واش نااجح ؟

يمكن تقول إماا :

#كيفااش تحكم على رااسك واش إنسان مثقف ؟

👎 أنكون مثقف يلا شديت لماستر و الدكتوراه و كانت عندي مكتبة فالمنزل

#كيفااش تحكم على  واش نتا غضبان؟

👎 أنكون غضبان يلا الأمور مامشااتش كيفااش تنبغي، انكون غضبان يلا النااس ماعرفوش قيمتي، انكون  غضبان يلا نااس ماتقبلونيش، انكون غضباان يلا بناادم حكم علييا بوااحد الطريقة خاايبة

👍 أنكون غضبان يلا وقعاات شي حااجة خاايبة لعائلتي، انكون غضبان يلا دااز نهار و ماتعلمت واالو

مهم العواطف كثيرة و مايمكنش نهضر عليها كاملة، و لكن تنظن الفكرة وصلات

بالنسبة للأحاسيس الإيجابية، عطيييو لرااسكوم بزااف ديال الفرص بااش تعيشوها فحياتكوم و خليو دوك الفرص فيديكوم نتوما مااشي فيد الغير، و خلييو دوك الأمور تحت سقف المعقول و الممكن

و العكس صحيح بالنسبة للمشاعر السلبية، حاولوا ما أمكن تنقصوا من الشروط ديالها و تخليوهوم تحت السيطرة ديالكوم ما أمكن.

تمرين: ختاارو شي  10 ديال الأحاسيس لي مهمة فحياتكوم و كتبو الشروط الحاالية ديالكوم ليها، شنو تيخص يوقع بااش تختبروا دوك الأحاسيس و شوفوا واش ناافعينكوم دوك الشروط

بس: هاد الأفكار مأخوذة من كتاب ديال طوني روبينز و سمية لكتاب هو "أيقض العملاق اللذي بداخلك". يلا بغيتي تقرا ملخص على لكتااب و طيليشاارجيه دخل لهناا: 👇👇

https://www.growbdarija.com/awaken-the-giant-within

و إن شاء الله تكون حياتكم مليئة بالسعادة و الفرح ❤️

بييييييس  🐸