الفرق ما بين لونغلي ديال ميريكان 🇺🇸 و بريطانياا🇬🇧
بعدا قبل مايجي شي حد و يقولهاا بريطانياا مااشي بلد واحد و لكن هي تاضم مجموعة ديال البلدان و فااش تنقولوا لونغلي ديال بريطانياا، تنقصدوا اللساان الشائع او الأصح عندهوم.
و بالنسبة للفروقات ما بين لونغلي ديال ميريكان و بريطانياا، أول فرق هو على مستوى النطق، و عاد كااين الكلمات و حتى قواعد اللغة مختلفة( بشكل بسيط)
فهاد لبوسط غادي نركزوا على النطق و فلبوسطاات جااية، انشوفوا الإختلافاات الأخرى.
بالنسبة لبريطانيا 🇬🇧، تيقوموا بحذف حرف r من بزااف ديال الكلمات.
1⃣تيحذفوا حرف 'r' يلا كاان جا فاللخر ديال الكلمة.
مثلا كلمة 'father' ( أب ) أولا 'mother' ( أم ) تتنطق بلا داك الحرف فالخر ... تيتنطقوا بحاال /فاذاا/ و /ماذا/
و كلمة شاائعة أخرى هي 'water' ( مااء) تايمشي منهاا حرف 'r' و تتنطق بحاال /واتااه/
2⃣ و تيتحذف حرف 'r' حتى يلا جا من بعد شي حرف متحرك "Vowels"
مثلا كلمة 'bird' ( طائر ) ولا 'girl' ( بنت) ؛ فهاد لحالة جاا حرف 'r' من بعد حرف 'i' لي هو ( vowel )
صو غادي نطقو هاد كلمات بلا داك الحرف
/بوود/ = bird / گوول/ = girl
بالنسبة لونغلي ديال ميريكان 🇺🇸 تيقوموا حذف حرف 't' فشي حالات.
1⃣تيتحذف حرف 't' يلا جا فاللخر ديال الكلمة.
مثلا، كلمة 'cut' ( تقطع ) ولا 'but' (لكن) تنطقوهوم بلاا حرف t فاللخر.
غادي نطقو cut = /كاا/ و غادي نطقو but = /پاا/
2⃣تتحذف حرف 't' حتى يلا جاا فوسط حروف ساكنة ( consonants )
مثلا، كلماات 'perfecTly' ولا 'exacTly' غادي نطقوهوم بلا حرف 't'
غادي نطقوا 'perfectly' = /بورفكلي/، و غاادي نطقوا 'exactly' = /إگزاكلي
3⃣و تنحذفوا هاد الحرف حتى يلا جاا من بعد حرف 'n'
مثلا، فكلمة 'center' ولا 'international' ماغاديش نطقوا داك t
كلمة center = /سينر/ و كلمة international =
/إنيرناشناال/
4⃣حرف 't' تيولي بحاال /d/ ولا /r/ يلا جاا إما ما بين 2 ديال الحروف متحركة ( vowels ) ولا حرف متحرك و Y
مثلاا، Saturday اتنطق = /سادردااي/ و كلمة party اتنطق = /باردي/
5⃣حرف 't' شي مراات تيتنطق بحاال الهمزة يلا كاان بين 2 حروف متحركة ( vowels )
مثلا، water ( المااء ) غاادي نطقوهاا /وااءر/
صوو، هادو هوما أهم الفروقات بين لونغلي ديال ميريكان و بريطانيا.
🔴جميع هاد القواعد لي ذكرت عندها إستثناءات
🔵من الأحسن تسمعوا للنطق ديال الكلمات، حسن من النطق ديال داارجة
⚪️و كااين كلماات أخرى لي تيكون النطق ديالها مختلف بين هاد الأصناف ديال الإنجليزية
دخلوا لهناا باش تقرااو الجزء الثااني ديال هاد لبوسط: 👇👇
بييييس ✌️
