-->
الرئيسية
الانجليزية بدارجة

الفرق بين لونغلي ديال ميريكان و ديال بريطانياا- الجزء الثاالت

 

لمرة لفاايتة كناا هضرنا على الفرق ما بين لونغلي ديال ميريكان و بريطانياا فالكلماات لي تيخدموا و قبل منهاا شفناا الإختلاف فالنطق.
دخلوا قرااو الجزء الثااني هنا: 👇👇
ليوماا غاادي نهضروا على إختلاف اخر و هو ديال قواعد اللغة ... grammar

🔵و غاادي نهضروا بالضبط على 5 ديال الإختلافات.

1⃣أول إختلاف هو أن ميريكان تتخدم أزمنة 'tenses' قل من بريطانياا.
مثلا، بريطانياا تتخدم زمن present perfect لي تنخدموه باش نهضروا على شي حاجة وقعات فالماضي إما فوقت غير محدد ولا مزاال عندها تأثير للحااضر.
أماا ميريكاان تتخدم غي simple past.
( هاد الأزمنة داباا نعطيوها وقتها و نشرحوها من بعد)

2⃣ميريكاان تتخدم Got بلااصة من Gotten ف past participle.
عوتااني هاد Past participle غادي نشرحوه من بعد فاش غادي نبدا دروس البااك؛ فهاد الوقت يكفي تعرف أن past participle هو واحد صيغة دياال الأفعاال لي خااصة بشي حالات فاللغة.

3⃣الفرق الثاالت هو Collective nouns
هااد Collective nouns هوما كلماات لي فالمفرد و لكن فاش تتسمعهوم تيجيك المعنى ديال الجمع فرااسك ...
فهمتي شي ****؟
✖️ هانتوماا، مثلا family تتعني عائلة.
هاادي كلمة فالمفرد و الجمع ديالها هو Families = عائلاات
و لكن فااش تتسمعها تيجي فباالك  بزااف ديال النااس ( نتاا، بااك، و مك، و خوتك ... )
✖️ عوتااني كلمة team تتعني فريق
هاادي كلمة فالمفرد و الجمع ديالها هو teams = فرق
و لكن فريق رااه فييه بزااف ديال النااس
نفس الشيء بالنسبة لكلماات بحال : شرطة = police، طاقم = staff، مجموعة = group ....

داباا هاد الكلماات يلا بغينا نخدموهوم فجملة وااش غاادي نقولوا ...
1⃣ the police is .... ( مفرد )
ولا
2⃣ the police are ... ( جمع )

🔴فلونغلي ديال ميريكاان غاادي نخدموا لولة ... غادي نخدموا غي المفرد فديك الجملة.

🔵فلونغلي ديال بريطانياا، يمكن لينا نخدموهوم بجوج ... بجوج صحااح فسياقاات مختلفة.

4⃣ميريكاان تتخدم حروف الجر prepositions بشكل مختلف على بريطانياا.
حروف الجر كثيرة فالإنجليزية، و لكن لي تنقصد هناياا هوماا in,on,at.
تيتخدموا بااش نهضروا على الوقت و المكاان و فبوسط اخر مستقبلا نشرحوا الفرق بيناتهوم.

5⃣ الفرق الخاامس عندو علاقة ب 'modals' .
هاد modals هوما أفعاال مسااعدة لي تتخدم مع فعل ٱخر و تتعطيه معنى جديد.
🔰مثاال:
I swim
هادي تتعني أناا تنعوم
I CAN swim
و هادي تتعني أناا تنقدر نعوم ( بمعنى الإستطاعة)
I MIGHT swim
هادي تتعني نقدر نعوم ( مامأكدش )
I MUST swim
و هاادي تتعني خااصني نعوم ( مفروض علييا )

صوو هادو أمثلة من دوك الأفعال المسااعدة = modals

ميريكاان و بريطانياا تيخدموا هاادو بشي فروقات

🔰مثاال:

وااش نحل نافذة هي Can I open the window? عند ميريكاان

أماا بريطانياا غاادي يقولو Shall I open the window?

و كااين إختلافات خرين و لكن لاداعي أن حناا نتعمقوا فيهوم داباا.

صوو، ٱخر حااجة نقولكوم و تقدرول تكونو تتفكروا فيهاا هي 6⃣وااش نتاا تتهضر بلونغلي ديال ميريكان ولا ديال بريطانياا؟
7⃣واش تعلم ديال ميريكان ولا بريطاانياا؟
8⃣ ووااش تيقرييو فالمداارس لونغلي ديال ميريكان ولا بريطاانياا؟

الجوااب لهاد الأسئلة هو تا وحدة

6⃣غالباا يلا كنتي تتقرا هاد لبوسط رااك اتكون عاد تتعلم لونغلي يعني رااك مزاال ماضبطتي لونغلي مزياان لدرجة أنك غاادي تهضر بديال ميريكان ولا بريطانياا

7⃣تعلم لي كاان ها لعااار

8⃣داباا هو فالمقررات ديال لونغلي فالمغرب كااين الإنجليزية ديال بريطانياا حيت أول مقرر ديال لونغلي داروا المغرب كانت سااعداتو فيه المجلس البريطاني و من تماا و بقاا هاد التقليد
+ مزاالين شركااء معاهوم
و لكن رااه غالباا فالليسي ولا مرااكز تعلم اللغة، الأستااذ لي غادي يقريك ايقريك الإنجليزية لي ضاابط هو و غالباا تتكون لونغلي مييكس

صوو، هاد لبوسط كاان طويل شوييا و لكن بغيت نساالي الفرق فهااد لبوسط بااش من الأسبوع الجااي نبدااو فدروس البااك

غادي نحطهوم فالمدونة هنااا

بييييس ✌️
author

تعليقات