عَنْ أَبِيْ رُقَيَّةَ تَمِيْم بْنِ أَوْسٍ الدَّارِيِّ رضي الله عنه أَنَّ النبي ﷺ قَالَ:( الدِّيْنُ النَّصِيْحَةُ قُلْنَا: لِمَنْ يَا رَسُولَ اللهِ ؟ قَالَ: للهِ، ولكتابه، ولِرَسُوْلِهِ، وَلأَئِمَّةِ المُسْلِمِيْنَ، وَعَامَّتِهِمْ) رواه مسلم.

🔵شرح الحديث:

هاد الحديث تيهضر على أن النصيحة مهمة فالإسلام فخمسة مواطن أو حالات. 

1️⃣أولا، النصيحة لله و هي القيام بالأوامر ديالو و أن حنا نبعدوا على المحرمات، و الإيمان بالله و التوكل عليه و القيام بشعائر الإسلام المختلفة و يكون الإخلاص لله فجميع هاد الأعمال. 

2️⃣ثانيا، النصيحة لكتابه تتعني الإيمان بأن القرٱن كتاب الله، و أنه مشتمل على أخبار صادقة و أحكام عادلة فشؤون الدين، و أنه خاصوا يكون هو المرجع لي تيحكم بين المسلمين فشؤونهم، و أيضا أن الإنسان يقراه و يرتلوا، و يتعلموا، يطبق داكشي لي فيه و يعلموا للناس على حسب الإستطاعة ديالو بالطبع. 

3️⃣ثالثا، النصيحة لرسوله تتعني الإيمان بأنه رسول الله إلى العالمين، و خاصنا نصدقوا الرسالة ديالو و نتبعوا الأوامر ديالو و نتجنبوا نواهيه. 

4️⃣رابعا، أئمة المسلمين جامعة جوج ديال الناس: العلماء و الأمراء. بالنسبة للعلماء، أن حنا نتعلموا منهوم و نشروا الفضائل ديالهوم و نسااو الزلات و الأخطاء ديالهوم. 

أما بالنسبة للأمراء و الحكام، النصيحة هي ان حنا نبينوا ليهوم الحق و نساعدهوم على النصرة ديالو و نطيعوهوم في المعروف. لا طاعة لمخلوق في معصية الخالق. 

5️⃣و أخيرا، النصيحة لعامة المسلمين هي أن حناا ندعيوهوم إلى الله و نأمروا بالمعروف و نهااو عن المنكر و نعلموهوم الخير بلي استطعنا عليه، و نبغيو ليهوم الخير كيماا تنبغيوه لراسنا، و نعاملوهوم بالرفق و كيفااش نبغيو النااس لوخرين يعاملونا. 

انتهى، ملخص من شرح إبن عثيمين، الإمام النووي، الإمام إبن دقيق العيد، و موقع إسلام ويب.

موعدنا غدا مع الحديث الثامن إن شاء الله.

دخل لهناا باش تقرى شرح الحديث السادس "المتشابهات في الدين" 👇👇

الحديث السادس البعد عن مواطن الشبهات (growbdarija.com)

بييييس ✌️