مرحبا بيكوم! هاد البوسط هو جزء من أخر كتاب ديالي "عقلك، صديقك المقرب الجديد" كتاب لي تيوريك كيفاش تغير عقليتك، حياتك، وتجاوز جميع المشاكل النفسية بإستخدام العلاج السلوكي المعرفي. طيليشارجيو الكتاب باش تعمقوا فهاد الموضوع وتكتاشفو كيفاش تغلبوا على القلق و الإكتئاب خطوة بخطوة.👇👇

تحميل كتاب "عقلك، صديقك المقرب الجديد"

تتلقى رااسك مستريسي فااش تادير شي أخطااء؟ تتحااول تكون مثاالي؟ و أي خطأ بسيط تتحس برااسك صاافي فااشل؟ ديماا تاطلب من رااسك تكون حسن و لكن واخاا دير لي درتي ماتتكونش رااضي على رااسك؟

يلا هادشي تينطبق عليك، غاادي تكون تتعاني من "مغالطة التفكير بالأسود و الأبيض"

1️⃣شنو تتعني هاد المغاالطة؟

هاادي واحد الطريقة غاالطة فالتفكير لي الإنساان فيها تيبقى يشوف الأمور بشكل مباالغ فيه: يا كحل يا بيض؛ يا نكون شخص مثالي و نكون نااجح، ولا نكون إنساان فااشل؛ يا معاناا، يا مع غاناا. ماتيشوفش لوااحد شي حل وسط، ولا اللون الرماادي. بالنسبة ليك إماا تكون مزياان، ولا شرير؛ نااجح ولا فااشل؛ شخص متميز، ولا ماعندك قيمة؛ يا تكون دكي، ولا راك مكلخ؛ يا تكون ملاك، ولا شيطان.

2️⃣بااش تعرف رااسك تتفكر بهاد الطريقة؟

النااس لي تتلقاهوم تيفكروا بهاد الطريقة غالباا تيعانيو من هاد المشااكل:

🔴حب المثالية: تتقول مع رااسك بلي يلا مادرتيش شي حااجة بشكل مثاالي، بلا ماديرهاا فخطراا باش ماتسمااش فااشل.

🔴 ماتتحسش بالنجاح: واخاا دير لي درتي، ماتتحسش برااسك إنساان نااجح لاحقااش ديماا تتكون شي حااجة نااقصة.

🔴 مشااكل فالعلاقات: تتشوف العلاقات و الزوااج على أنهم خايبيين و غير اتندم يلا دخلتي فشي علااقة، و عندك توقعات أنهم خاصهوم يكونوا مثاليين بحاال قصص الحب فالأفلاام.

🔴 مشكل المقارنة: فااش تادخل لسوشل ميدياا، تتشوف حيااة النااس المثاالية و تتقول بلي نتاا حيااتك نااقصة بزااف و گااع ماعاايش.

🔴 تتخااف من ٱراء الناس: تتقول إماا غادي نجح فالباك/لافاك، ولا النااس ايضحكوا علييا. إماا غاادي نقراا و نجح ولا غاادي نضيع فحيااتي و نبقى بطاالي حيااتي كااملة.

3️⃣أمثلة أخرى من أرض الوااقع

🔵فالقرااية: تقدر تجيب 18 فشي ماادة لي نتاا متميز فيها و لكن تبكي ولا يبقى فيك الحاال حيت ماجبتيش 20.

🔵ماتقرااش وااحد النهاار، و تقول مع رااسك صاافي غادي نسقط ولا مانجيبش مزياان كيماا العاادة.

🔵حياتك الشخصية: ماتطرينيش مرة وحدة، و تقول بلي غاادي نضعااف و مانديرش لفصاالة لي بااغي. تااكل شي مااكلة لي مااشي صحية مرة وحدة، و تقول غاادي نربي الكرش ولا نمرض.

🔵 فعلاقاتك مع الناس: تلاقاا شي حد و ماتكونش مرتااح معاه فالهضرة، و تقول اناا مااشي إجتمااعي، ماتنعرفش نتصرف.

4️⃣ علااش هاادي خاايبة؟

⚫هاادي خاايبة لاحقااش تا شي إنساان ما مثالي، مايمكنش تكون طووب ديماا. و فااش تادير شي خطأ بسيط، ماتتقولش رااه عاادي نغلط، و لكن نيشاان تتقول مع رااسك نتاا فااشل، و تتنقص ثقتك بنفسك و مع المدة تتعرض للإكتئااب و القلق و مشااكل نفسية غيرهاا.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"