5️⃣ علااش تنفكروا بهااد الطريقة؟

🟡 أولاا، تنحمييو راسنا من الألم و خيباات الأمل فالمستقبل. دمااغك تيعرفك بقاا فيك لحاال فاش فشلتي، و بااش يبعدك على هاد الحزن، ايقولك "شووف رااك ديماا تتفشل" بااش ماتعاودش تجرب، تفشل، و تحس بالحزن.

🟡 ثانياا، دمااغنا تيحااول يدير إستنتاجات من التجاارب ديالناا بااش نعرفوا كيفااش نتصرفوا مستقبلاا و لكن هاد الإستنتاجات تتكون غاالطة و مبنية على معلومات قليلة.

🟡 المجتمع ديالناا فغالب الأوقات ماتيرحمش، و تيركزوا على الأخطااء دياالناا، و هاد الضغط تيزيد يخليينا تا حناا نشوفوا غي الأمور لخاايبة و نعمموا.

6️⃣ كيفااش نتخلصوا من هااد التفكير بالتعميم

🟢 شوف فالوااقع: سول رااسك وااش كااين أدلة كاافية على هاد لهضرة لي تنقول. وااش هاادشي ديماا تيكون بصح ولا غي هاد لمرة؟ شحاال من مرة تحقق هاادشي؟

🟢 جمع معلومات كتر: بداا تفكر فأوقاات لي هاد لهضرة دياالك ماكاانتش صحيحة.

🟢 بداا تهضر بعبارات دقيقة: بلااصة ماتقول أناا ديماا تنفشل، قول "أناا فشلت هاد لمرة و لكن ممكن نتحسن لمرة الجااية ولا لي من بعدهاا"

🟢قلب على العكس: فااش دمااغك يقولك تا حد ماتيبغيك، فكر فگااع النااس لي تيبغيوك. يلا دمااغك قاالك ديماا تتفشل، فكر فجميع الاوقاات لي نجحتي فيها واخاا يكون النجااح بسيط.

🟢 قلب فالمااضي ديالك على شي أمثلة تتبين العكس: تفكر شي مرة لي عقلك قالييك نتاا ديماا تتفشل غي بلا ماتعدب رااسك و تحااول، و لكن نتاا زعمتي و كانت النتيجة مزياانة.

🟢 و شوف للمستقبل: يلا ماكاانش عندك شي تجربة لي تتبين العكس، خلق شي وحدة جديدة. قلت ليكوم فالفصل لي قبل بلي كنت بااغي نخرج نجري و لكن عقلي قالييا، اخر مرة كنتي عيااان و حتى هااد النهاار غاادي تخرج تجري و اتعياا دغياا، اللهم غي جلس. و لكن خرجت و جريت و كنت حسن من اللول. 😎

🟢 و بداا تخدم هاد العبارات فالهضرة دياالك

⚪ شنو هو الدليل لي عندي على هاد لهضرة؟

⚪ وااش بصح عندي معلومات كاافية بااش نقول هاد لهضرة؟

⚪ شنو ٱخوور يقد هاادشي يعني؟

⚪ كيفااش نقدر نتأكد من هااد لهضرة؟

⚪ ماتهضرش بصيغة مطلقة، حدد بالضبط.

⚪ علم الغيب عند الله. ماتنقدرش انا نتوقع المستقبل.

بس: من الأحسن تكتب هاد العبارات فشي ورقة، فطيلي، ولا فشي مكاان لي غادي تشوفوا كل نهاار بااش تفكرهوم

7️⃣ بني تفكير متواازن:

🟤ختاار شي وقيتة فين فكرتي بهاد الطريقة "الإفرااط فالتعميم". وصف داك الحدث شنو هو. شنو الأفكاار لي كانوا عندك فاللول "زهري عوج و لي بغييتها تتعكس" مثلا. بااش هاد الفكرة خلااتك تحس؟ و من بعد، بدل هاد الفكرة بشي فكرة أخرى لي منطقية كتر. كيفااش تقدر تشوف هاد الوضعية؟

8️⃣ فموااقع التوااصل الإجتمااعي:

ماتبقااش متبع الحساباات لي تتخليك تحس بالنقص و تتبين ليك بلي كولشي حيااتو مثالية إلا حيااتك. قلب على و تبع نااس لي تيوصفوا ليك الحيااة كماا هي، بلا إفرااط أو تفريط.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"