مرحبا بيكوم! هاد البوسط هو جزء من أخر كتاب ديالي "عقلك، صديقك المقرب الجديد" كتاب لي تيوريك كيفاش تغير عقليتك، حياتك، وتجاوز جميع المشاكل النفسية بإستخدام العلاج السلوكي المعرفي. طيليشارجيو الكتاب باش تعمقوا فهاد الموضوع وتكتاشفو كيفاش تغلبوا على القلق و الإكتئاب خطوة بخطوة.👇👇

تحميل كتاب "عقلك، صديقك المقرب الجديد"

عمرك سولتي رااسك لااش الحيااة خاايبة لهاد الدرجة؟ علااش تا شي حااجة ماتتصدق ليك؟ و ديماا تتقول مع رااسك بلي تا حااجة ماتتصدق ليك؟ و ديماا 'هاادشي' تيوقع ليك؟

يلا هاادشي تينطبق عليك غاادي تكون تتعاني من "مغالطة التعميم".

1️⃣ شنو تتعني هاد المغاالطة؟

التعميم هو وااحد من دوك الطرق الخاطئة فالتفكير لي هضرنا عليها، و هي فين تتوقع ليك شي حااجة مرة وحدة و تتقول راها تتوقع ديماا. شي حد تيتعطل عليك مرة وحدة و نتا تتقوليه راك ديماا تتجي معطل. نهاار وااحد ماتتخدمش مزياان، و تتقول على رااسك، نتاا ديماا مكلخ. من تجربة سيئة وحدة تتعمم لحيااتك كااملة.

2️⃣ بااش تعرف رااسك تتفكر بهاد الطريقة؟

النااس لي تتلقاهوم تيفكروا بهاد الطريقة غالباا تيعانيو من هاد المشااكل:

🔴توقعاات سيئة: ديماا تتوقع بلي شي حااجة خاايبة اتوقع غا حيت وقعات مرة وحدة. يلا سقطتي فإمتحان واحد، غادي تقول بلي انسقط حتى فالإمتحان الجاي. و الفصل لي سبق، قلت ليكوم بلي ماكنتش بااغي نخرج نجري، لاحقااش ٱخر مرة ماجريتش مزياان. عقلي خداا تجربة وحدة و بداا تيعمم بيها.

🔴 تتخدم عبارات شاملة: تتخدم عبارات بحاال "ديماا" ولا "تا مرة" ولا "كل مرة" فااش تتهضر على شي حااجة سلبية وقعات. مثلاا: أناا ديماا تنطيح فالشخص الغلط.

🔴 تتقارن رااسك مع النااس: اتشوف شي حد شرا شي داار ولا طونوبيل ولا غي بيكالة ولا نااض تزوج، و غاادي تقول مع رااسك: "النااس كلهاا فااتني" و "انا ديماا تنبقى اللور"

3️⃣أمثلة أخرى من أرض الوااقع

🔵 فالقرااية: ماتجيبش نقطة مزياانة فشي إمتحاان، و تقول مع رااسك أناا ضعيف فهاد الماادة.

🔵 فالخدمة: ماتقبلش فالخدمة لي بااغي و تقول مع رااسك انا عمري ماغادي نخدم و انبقى غي ضاايع.

🔵 فالحياة الإجتمااعية: تتلاقاا شي حد و ماتيدوزش النهاار مزياان و تتقول مع رااسك فوق ماتنتلاقاا هاد خوناا تيدوز النهاار مكفس.

🔵 فالعلاقات ديالنا: الدراري تيقولك بلي مابقااوش بناات النااس، و البناات تيقولك مابقااوش ولااد النااس.

4️⃣ علااش هاادي خاايبة؟

⚫ الثقة ديالنا بالنفس تتبنى من خلال التجاارب النااجحة ديالنا. ماكنتيش تتعرف تعوم مثلاا، و بديتي تتعرف غاادي تيق فرااسك كتر و تزعم تجرب أمور جديدة. و لكن ماحدك تتعمم و تتشوف غي الأمور السلبية ماعمرك ماغاادي تيق فرااسك، يقدر إنساان يشوف أمور زوينة فيك و يشكرك و لكن نتاا ماغااديش تيق فيه.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"