كيفاش عقلك تيقولبك؟ - الجزء الثاني
.png)
مرحبا بيكوم! هاد البوسط هو جزء من أخر كتاب ديالي "عقلك، صديقك المقرب الجديد" كتاب لي تيوريك كيفاش تغير عقليتك، حياتك، وتجاوز جميع المشاكل النفسية بإستخدام العلاج السلوكي المعرفي. طيليشارجيو الكتاب باش تعمقوا فهاد الموضوع وتكتاشفو كيفاش تغلبوا على القلق و الإكتئاب خطوة بخطوة.👇👇
تحميل كتاب "عقلك، صديقك المقرب الجديد"
3️⃣ علااش مهم ان حناا نعرفوا و نفهموا هاد الطرق الغاالطة فالتفكير؟
هاد الطرق الغاالطة فالتفكير تتسبب لينا الستريس، القلق، الإكتئاب، المبالغة فالتفكيى و تتخليك ديما مامرتااحش فحيااتك. مهم أن حناا نعرفوهوم بااش نبقااو نتاابهوا ليهوم، و نقدروا نغيرهوم فااش نحسوا بلي حناا غاديين فهاد الدوامة دالتفكير السلبي.
و هكاا غاادي نقدروا نطلعوا لموراال ديالناا، نتخلصوا من القلق، الإكتئاااب، و بإختصاار غاادي نكونوا سعدااء و مرتااحين فحيااتنا. دمااغناا ماغااديش يبقى ينقز و يطير من فكرة لفكرة، غاادي يكون دمااغناا كاالم و انحسوا بشنوا هي الرااحة النفسية، و نشوفوا الحيااة بشكل إيجاابي.
4️⃣ كيفااش نتخلصوا منهوم؟
غاادي نتعمقوا فهاد الطرق الغاالطة فالتفكير كتر فهاد الفصل و كيفااش نتخلصوا منهاا، و لكن داباا انشوفوا بعجاالة شنو هوما الخطوات لي تتعاود، شنو تيخصك بااش ماتبقااش تخلي دمااغك يلعب عليك دوك الألعااب دياالو.
🔵أولاا، تيخصك تعرف بلي هاد المغالطات فالتفكير كااينة. ماغااديش تحاارب شي عدو يلاا ماكنتيش عاارفوا كااين أصلاا. بزااف فيينا فااش تيفكر بدوك الطرق الغاالطة، تيبااليه راه عندو الحق، و ماتيعرفش بلي هادوك طرق غاالطة فالتفكير، و حيت ماعارفهومش غاالطة، ماغااديش يحااول يتخلص منهوم.
دااكشي علااش، أول خطوة باش نتخلصوا من هاد الطرق الغاالطة فالتفكير هي: الوعي، خااصنا نوعااو بيهوم و نعرفوهوم، و نبدااو نلااحظوا عقلناا فااش يبداا يفكر بديك الطريقة الخااطئة.
🔵 ثاانياا، خااصنا نتحدااو عقلناا. فااش عقلك يقولك "تا حد ماجااوبك على لبوسط، تا حد ماداار جيم، غي حيد دااك لبوسط حسن رااه تا حد ماتيبغيك" فااش عقلك يقولك هاد لهضرة، قولييه:
- بااش عرفتيهاا؟
- شنو هو الدليل على ان النااس ماتتبغينيش؟
- أش جااب الحب لبوسط فلفاايسبوك؟
- مااشي ممكن أن النااس غي ماشاافوش لبوسط؟
- ولا مااشي ممكن أن النااس شاافوا لبوسط و نسااو يتفاعلوا معااه؟
- مااشي ممكن أن النااس شاافوا لبوسط و ماعجبهومش و لكن تيبغييوني واخاا هكااك؟
- وااش قيمتي داباا متعلقة ببوسط فلفاايس؟
المهم هو انك نتاا تحدى عقلك، ماتخليهش يهضر و تبقى نتاا سااكت، سولوا، قوليه يعطيك الدليل، و ديماا نتاا قلب على دليل لي تيعكس لهضرة دياالو.
إلا لقيتي هاد الأفكار تتنطبق عليك دخل لهاد الليان و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇
تحميل كتاب "عقلك، صديقك المقرب الجديد"
