مرحبا بيكوم! هاد البوسط هو جزء من أخر كتاب ديالي "عقلك، صديقك المقرب الجديد" كتاب لي تيوريك كيفاش تغير عقليتك، حياتك، وتجاوز جميع المشاكل النفسية بإستخدام العلاج السلوكي المعرفي. طيليشارجيو الكتاب باش تعمقوا فهاد الموضوع وتكتاشفو كيفاش تغلبوا على القلق و الإكتئاب خطوة بخطوة.👇👇

تحميل كتاب "عقلك، صديقك المقرب الجديد"

5️⃣ علااش تنفكروا بهااد الطريقة؟

🟡 حب المثالية: فاش تيكون عدناا معايير طالعة و تنبغيو أن حناا نكونوا متميزين و مثاليين، تتجينا صعيبة أن حناا نقبلوا أي حااجة لي ماشي مثالية. و حيت ديماا أتكون بعض العيوب، هادشي تيخلينا نديروا عين ميكة على گااع دوك لحواايج الزوينين.

🟡 الإعتزاز و الثقة بالنفس: النااس لي ماعندهومش الثقة بالنفس، تينقصوا من قيمة الأمور الزوينة لي حققنا و من الصفات الإيجاابية لي عدناا. و حيت أصلا حناا مامتقبلينش الأمور الزوينة فيناا، ماغااديش نتقبلوها فااش شي حد ينبهناا ليها و يبغي يشكرناا.

🟡 تأثير الثقافة: المجتمع المغربي ديالناا تيفرض على الواحد أن الإنساان يكون متوااضع بزااف. مثلا، يلا شكرتي رااسك النااس غادي يقولوا "شكاار رااسوا دااز من هناا". و هااد لهضرة تتخلي لوااحد تحت واحد الضغط بااش يكون متوااضع، و كنتيجة تنبدااو نقصوا من رااسنا و مانشوفوش لحواايج الزوينين فيناا.

6️⃣ كيفااش نتخلصوا من هااد تجااهل الإيجابيات

🟢 تقبل المديح: فااش شي وااحد يشكرك و يقوليك "ضحكة ديالك زوينة" ، "نتاا ظرييف" ، "نتاا ذكي"، "نتا إنساان لي نااجح"، قول 'شكراا' بلا ماتكمل و تقول غي تيبااليك ولا عاادي بحالي بحاال اي وااحد. تقبل المديح ديال النااس و فتااخر بيه.

🟢 دير مذكرات: شري كتااب صغير و بداا تقيد فيه كل نهاار 3 ديال لحواايج زويينة فيك ولا 3 ديال لحواايج لي زوينة و وقعوا داك النهاار. و ماتحااولش أنك تكتب شي حااجة كبيرة، مااشي خااصك تكون نقذتي العالم ولا قضيتي على الحروب بااش عاد تعتبرها حااجة زوينة.

هاد الأمور الزوينة يقدروا يكونوا غي أنك فقتي من النعاس داك الصباح ولا عندك فين تنعس هاد الليلة، عندك الحرية ديالك و تقدر تمشي فين بغيتي، صحتك مزياانة، عندك عائلتك و أصدقاء تيبغيوك، مااكلة زوينة كليتي داك النهاار، عندك شي هوااية تاديرها ولا غي انه طااح فيديك هاد لكتااب.

🟢 شوف الإيجاابية كتر: لأي فكرة سلبية تادوز لعقلك، فكر فشي وحدة إيجاابية. مثلا، يلا عقلك قاليك "نتاا نجحتي غي بالزهر" قوليه "لاا أناا خدمت و تقاتلت بااش نوصل لهاادشي لي فيه داباا". يلا عقلك قاليك "نتاا فااشل" قوليه "بزااف ديال النااس يبغييو يوصلوا لهادشي لي عندي داباا".

🟢 و بداا تخدم هاد العبارات فالهضرة دياالك

⚪ أنا فخوور بالشخص لي أنا علييه

⚪ أناا تاايق فرااسي و فالقدرات ديالي ف ... (و ذكر شي مجال محدد)

⚪ تجااوزت بزااف ديال الصعوبات و حققت بزااف ديال الأمور الزويينة

⚪ أناا حاامد الله على القدرات و المميزات دياالي

⚪ أنا وااعر وااعر

بس: من الأحسن تكتب هاد العبارات فشي ورقة، فطيلي، ولا فشي مكاان لي غادي تشوفوا كل نهاار بااش تفكرهوم

7️⃣ بني تفكير متواازن:

🟤 كل مرة فااش شي إنساان يشكرك و يعطيك شي مجااملة، عقل علييها و كتبها. من بعد رجع ليها، فكر رااسك بيها، كيفااش خلااتك تحس، و علااش هاد المجاملة حقيقية.

🟤 فكر شي مرة فين شي إنساان شكرك و قالك شي هضرة زويينة. شنو كان رد الفعل ديالك؟ قبلتي لهضرة ديالو ولا رفضيتهاا؟ و كيفااش بإمكاانك تقبل فااش شي إنساان تيشكرك المرة الجااية؟

8️⃣ فموااقع التوااصل الإجتمااعي:

بداا تخلي تعاليق إيجاابية للناس، و شكر الأمور الزوينة فيهوم. و تفااعل مع النااس لي تيخليو تعاليق إيجاابية على تصااورك و لبوسطاات دياالك، و شكرهم من قلبك. و هاادشي غاادي يخليك تبداا تقبل المديح و الهضرة الإيجاابية لي تتسمع.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"