مرحبا بيكوم! هاد البوسط هو جزء من أخر كتاب ديالي "عقلك، صديقك المقرب الجديد" كتاب لي تيوريك كيفاش تغير عقليتك، حياتك، وتجاوز جميع المشاكل النفسية بإستخدام العلاج السلوكي المعرفي. طيليشارجيو الكتاب باش تعمقوا فهاد الموضوع وتكتاشفو كيفاش تغلبوا على القلق و الإكتئاب خطوة بخطوة.👇👇

تحميل كتاب "عقلك، صديقك المقرب الجديد"

عمر شي وااحد قالك شي هضرة زويينة، عطااك شي مجااملة، و لكن ماتيقتيهااش؟ يمكن شي حد قالك بلي رااك زوين(ة) و قلتي لييه "لاا شوف فصاالتي خاايبة، فييا لحبوب، سناني مامقادينش" ولا غيرهاا؟

ولا يمكن حققتي شي حااجة فالقراية و الخدمة لي النااس عجباتهوم و شكروك عليها و لكن نتاا قلتي لييهوم "رااه عادي، و اي وااحد يقدر يديرهاا"

يلاا هاادشي تينطبق عليك غاادي تكون تتعاني من "مغالطة تجاهل الإيجابيات".

1️⃣شنو تتعني هاد المغاالطة؟

تجاهل الإيجابيات هي واحد الطريقة غاالطة فالتفكير لي فيها الإنساان تينقص من الأهمية ديالو بلاا مايحس. نتاا تتعترف بلي شي حااجة زويينة وقعاات (نجحتي فلقرااية، دزتي فلكونكور، تعلمتي السبااحة) و لكن تتنقص من قيمتهاا و تتصغرها بزااف. هي نوع من التوااضع المفرط لي تيأدي بينا لأن حناا مانتيقوش فراسناا لأن حناا مادرناا تا شي حااجة لي مهمة.

2️⃣بااش تعرف رااسك تتفكر بهاد الطريقة؟

النااس لي تتلقاهوم تيفكروا بهاد الطريقة غالباا تيعانيو من هاد المشااكل:

🔴 تتعطي الحظ أولوية: فااش تتنجح فأي حاجة، تتقول بلي رااه غي كان عندك الزهر، و ماشي الجهد ديالك و المثابرة لي خلااوك تنجح.

🔴 تتقول الناس ظريفيين و صاافي: يلا شي وااحد شكرك و اعترف بالمجهود لي قدمتي، تتقول بلي رااه غي داك السيد ظرييف و صاافي، اماا نتاا ماتستحقش ديك لهضرة لي قاال.

🔴 تشكر النااس بزااف على أمور لي فيهوم، و لكن فااش يباادلوك المجااملة ماتتقبلهااش واخاا تكون سمعتيها من كتر من شخص.

🔴 المقاارنة: ديماا تتقاارن رااسك مع النااس و تتلقى رااسك قل منهوم.

3️⃣أمثلة أخرى من أرض الوااقع

🔵 فالمدرسة: أستااذ يقولك بلي خدمتي تمرين مزياان، و نتاا تقوليه ولا تفكر مع رااسك بلي أي وااحد كان بإمكانوا يدير نفس الخدمة.

🔵 فالعلاقات: صااحبك يقولك شكراا حيت شكرتيه و عاونتيه، و نتا تقوليه ماعااونتكش بزااف

🔵 فحياتك الخااصة: تكون تاطيريني لحديد، السبااحة، الجري، و فااش تكمل و تساالي تقول مع رااسك ماتقااتلتش مزياان، و تتنسى بلي أصلا غي فااش تاطريني رااه إنجااز.

🔵 السوشل ميديا: بناادم يكومونطي على تصااورك بلي جيتي زويين و نتاا تقول بلي هوما غي ظريفيين و صاافي، أماا أنا مازويينش.

4️⃣ علااش هاادي خاايبة؟

⚫ هاادي خاايبة لاحقااش أي إنساان داار شي حااجة زوينة خاصوا يفتاخر بيها، و لكن فااش تنقصوا من قيمة الأمور لي درناا، تنظلموا رااسنا و تنقصوا من ثقتناا بأنفسنا.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"