مرحبا بيكوم! هاد البوسط هو جزء من أخر كتاب ديالي "عقلك، صديقك المقرب الجديد" كتاب لي تيوريك كيفاش تغير عقليتك، حياتك، وتجاوز جميع المشاكل النفسية بإستخدام العلاج السلوكي المعرفي. طيليشارجيو الكتاب باش تعمقوا فهاد الموضوع وتكتاشفو كيفاش تغلبوا على القلق و الإكتئاب خطوة بخطوة.👇👇

تحميل كتاب "عقلك، صديقك المقرب الجديد"

5️⃣ علااش تنفكروا بهااد الطريقة؟

🟡 أولا، المشااعر عندهوم قوة كبيرة علينا و تيدفعوا الإنساان لأنه يتصرف بسرعة و ماتيبقااش عندو الوقت فين يفكر بشكل منطقي.

🟡 دماغناا ديماا تيقلب على طريق مختصر: فااش تنحسوا بمشااعر قوية - سلبية ولا إيجاابية - دماغناا تيقبل المشااعر كيف ماهي و تيخرج بإستنتاجات و أفكار مبنية عليها. مثلا، حسيتي بالوحدة، دماغك تيقبل داك الشعور، و الإستنتاج لي تيخرج بيه هو تا حد ماتيبغيك.

🟡 التجارب السابقة: كلناا كانت عدناا تجاارب سلبية سابقة. يمكن شي مرة حسيتي بالخوف من شي امتحاان لي ماكنتيش موجد ليه و سقطتي. دمااغك ايصلق و ايعقل على ديك لمرة. و فوق ماغاادي تحس بالخوف، غاادي يفكرك فييها و يقولك بلي رااك غاادي تسقط.

🟡 تأثير المجتمع: فالمجتمع المغربي ديالناا عدناا قضية الفأل و الطيرة. تتشوف شي وااحد ماعندكش معااه، تتقول النهاار غاادي يدوز خاايب.

يعني حناا كمجتمع عدناا هاد الفكرة ديال يلا حسيتي بشي حااجة خاايبة ولا شفتي شي حااجة، راه ديك السااعة النهاار بصح ايكون خاايب.

6️⃣ كيفااش نتخلصوا من هااد التفكير العاطفي

🟢 أولا، عتاارف بالشعور لي تتحس بيه و سميه بلا ماتحكم عليه واش خاايب ولا زوين. حسيتي بالخوف، قول أناا داباا حااس بالخوف و صاافي. ماتقولش الخوف خاايب، و انا غاادي نسقط و حااس بلي شي حااجة اتوقع. فقط قول بااش تتحس.

🟢 ثانياا، ديماا فكر رااسك بلي كااين فرق ما بين بااش تنحسوا و ما بين الحقائق و الوااقع. و ماتخليش المشااعر ديالك يوهموك بلي هوما تيعكسوا شنو غاادي يوقع.

كنتي مخلوع من شي امتحاان ولا اونطغوتياان، و قالك عقلك ماغااديش دوز. تحدى هاد الفكرة: قول لرااسك بااش عرفتيها؟ فين هو الدليل؟ شكون نتاا بااش تحكم؟ تخاايل بحاال يلا شي حد ماتتحملوش قاليك هااد لهضرة و نتاا بااغي تشد معااه العكس. عندك شي إنساان بحاال هكاا؟ اواا دااكشي لي تاديرو معااه، ديرو مع رااسك فهاد الحاالة.

🟢 قلب على وجهات نظر مختلفة: عقلك غاادي يقولك نتاا مستريسي و خاايف حيت غاادي تفشل، دااكشي علااش.

نتاا اتقول لعقلك أسبااب مختلفة لااش مستريسي: مثلاا، يمكن مستريسي حيت ماناعسش مزياان؟ يمكن مستريسي حيت شربتي قهوة بزااف؟ يمكن مستريسي حيت واليديك ضاغطين عليك بزااف؟ يمكن مستريسي حيت مامرااجعش مزياان گااع و خااصك تزيد توجد؟ و لكن هاادشي كولو ماتيعنيش بلي رااك غاادي تفشل.

🟢 خليك ظرييف مع رااسك: كولشي تيدوز من أوقاات صعبة، كولشي تيعااني من مشااكل نفسية. هادشي جزء من الحياة ديالنا، و لكن راه غي جزء، مااشي حيااتك كلهاا أتكون هكاا.

🟢 تنفس بشكل عمييق: خوود وااحد النفس عمييق و غاادي يعااونك ترتااح. تنفس من الأنف ديالك لجوج الثوااني و خرجوا ل 4 ثواني. ولا دخلوا ل 3 ثواني و خرجوا ل 6 الثوااني. المهم هو ضوبل المدة.

🟢 و بداا تخدم هاد العبارات فالهضرة دياالك

⚪ كدووب: المشااعر ديالي تيكدبوا علييا.

⚪ ماتيقش فالمشاعر المفاجئة.

⚪ شنو وقع لي يستحق أني نغضب ولا نخااف ولا نحزن من أجلوا؟

⚪ شنو لحااجة لي خلااتني نحس هكاا؟

بس: من الأحسن تكتب هاد العبارات فشي ورقة، فطيلي، ولا فشي مكاان لي غادي تشوفوا كل نهاار بااش تفكرهوم

7️⃣ بني تفكير متواازن:

🟤 تأكد من الحقيقة: ختاار شي شعور سلبي لي عندك داباا. كتب الأدلة لي مع و ضد هاد الشعور. تتحس بلي رااك فشل؟ واخاا شنو هو لحواايج لي تيأكدوا هاد الفكرة و شنو هوما لحواايج لي تيكدبوها. و لااحظ كيفااش الشعور دياالك غاادي يتبدل فااش تتشوف الأدلة بجوج.

🟤 و فكر فشي مرة ثاانية فين كاان عندك شي شعور سلبي قوي بزااف. شنو كانوا الظروف؟ شنو كانوا الأسبااب؟ كيفااش المشااعر ديالك أثروا على أفكاارك؟ و كتب شنو ادير المرة الجااية بااش تميز الأحااسيس ديالك من الوااقع.

8️⃣ فموااقع التوااصل الإجتمااعي:

فااش تشوف شي حااجة فالسوشل ميدياا و تنفعل معاهاا، فكر رااسك بلي داكشي لي تتشوف مااشي هو الوااقع. و بلي شحاال جمعتي من لايكاات و تعاليق على تصااورك ماتتحددش قيمتك.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"