مرحبا بيكوم! هاد البوسط هو جزء من أخر كتاب ديالي "عقلك، صديقك المقرب الجديد" كتاب لي تيوريك كيفاش تغير عقليتك، حياتك، وتجاوز جميع المشاكل النفسية بإستخدام العلاج السلوكي المعرفي. طيليشارجيو الكتاب باش تعمقوا فهاد الموضوع وتكتاشفو كيفاش تغلبوا على القلق و الإكتئاب خطوة بخطوة.👇👇

تحميل كتاب "عقلك، صديقك المقرب الجديد"

شحاال من مرة خليتي المشااعر ديالك يتحكموا فيك؟ كنتي خاايف قبل مادوز شي امتحاان و بداا عقلك تيقولك بلي غاادي تسقط و يجريو عليك من لقرااية و الداار؟

ولا حسيتي بالوحدة و عقلك قاليك بلي تاحد ماتيبغيك و غاادي تبقى بووحدك؟ شحاال من مرة المشااعر ديالك سيطروا عليك و من بعد حسيتي بالندم على شنو قلتي و درتي؟

يلا هاادشي تينطبق عليك غاادي تكون تتعاني من "التفكير العاطفي".

1️⃣شنو تتعني هاد المغاالطة؟

التفكير العاطفي هو طريقة غاالطة فالتفكير لي فيها تنعتقدوا بلي الأفكاار ديالنا تتعكس الوااقع. مثلاا، تادخل لافاك ولا شي مدرسة عليا ولا تتبدا الخدمة، تتشوف النااس لي معاك تيقرااو، تتحس بالنقص، و عقلك تيقولك كولشي حسن منك، واخاا منطقياا راكوم فنفس المدرسة، نفس الخدمة، يعني راكوم مؤهلين كاملين، و لكن عقلك تيقنعك بلي نتاا قل منهوم.

2️⃣بااش تعرف رااسك تتفكر بهاد الطريقة؟

النااس لي تتلقاهوم تيفكروا بهاد الطريقة غالباا تيعانيو من هاد المشااكل:

🔴 الشعور بالنقص: ديماا تتحس بلي رااك قل من النااس و فااشل و بلي بلااصتك مااشي معاهوم. ماتستحقش تكون فالخدمة ولا فالمدرسة فين تتقراا.

🔴 الشعور بالوحدة: تتحس بلي تاحد ماتيبغيك و بلي نتاا غي زاايد. تتحس بلي كولشي مرتااح حيت بعااد عليك و بلي ماعندهوم ما يديرو بيك.

🔴 فالسوشل ميديا: ديماا تتبقى تشوف لبوسطات ديالك شحاال من نااس تفاعلوا معاهوم. و يلا كان العدد قليل، تيباالك بلي تاحد ماتيبغيك و بلي ماعندك قيمة.

3️⃣أمثلة أخرى من أرض الوااقع

🔵 فالقرااية: اتحس بالستريس قبل شي امتحاان و اتقول بلي بااينة غاادي نفشل.

🔵 فالعلاقات: اتحس بالخوف و اتقول مع رااسك "صااحبي/خطيبي/مرااتي" مابقااوش مهتمين بييا و طلعت ليهوم فرااسهوم.

🔵 فالخدمة: اتعياا بسبب تماارة ديال الخدمة و غاادي تقول مع رااسك بلي نتاا ماتقدرش على هاد الخدمة و هي صعيبة عليك.

4️⃣ علااش هاادي خاايبة؟

⚫ هاادي خاايبة حيت المشااعر ديالناا مااشي شي حااجة لي ممكن تعتمد عليها بنسبة 100٪. يقدر شي حااجة بسيطة توقع ليك و تستريسيك، و نتاا اتنفعل معاهاا. يلا فديك اللحظة خليتي المشااعر ديالك يتحكموا فيك، غاادي ترتكب أخطااء و اتندم من بعد و ديماا اتكون تحت الرحمة دالناس و ديال المشااعر دياالك.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"