تحميل كتاب "عقلك، صديقك المقرب الجديد" 

تتحس شي مراات بلي خااصك تعرف كلشي و تكون عاارف شنو غاادي يوقع بالضبط، ولا شي حااجة خاايبة اتوقع؟ تتحس برااسك مسؤول على النااس، الحيااة ديالهوم، السعادة ديالهوم و بلي نتاا خااصك تصلح العاالم ولا على الأقل المحيط دياالك؟

و شي مراات يمكن العكس: تتحس بلي نتاا غي ضحية فهاد الحيااة و أمور خاايبة غاادي توقع لي نتاا ماعندك كيدير تحبسهاا.

يلا هاادشي تينطبق عليك غاادي تكون تتعاني من "مغالطة السيطرة".

1️⃣شنو تتعني هاد المغاالطة؟

مغاالطة السيطرة هي فااش تتحس بلي نتاا عندك السيطرة مااشي غي على حيااتك، و لكن تا على حيااة النااس. أو العكس: تاتظن بلي نتاا ماعندكش تحكم فشنو تيوقع ليك و بلي نتاا غاا ضحية. يعني إماا غاادي تكون تتعاني من 'الهوس و حب السيطرة' ولا اتعاني من 'عقلية الضحية'.

2️⃣بااش تعرف رااسك تتفكر بهاد الطريقة؟

النااس لي تتلقاهوم تيفكروا بهاد الطريقة غالباا تيعانيو من هاد المشااكل:

🔴 حب السيطرة: تتحااول تخلي كولشي فرحاان، كولشي نااجح و تتلوم رااسك يلا مامشااتش الأمور كيف بااغي.

🔴 عقلية الضحية: يلا كنتي تتعقد بلي النااس حاسدينك، نتاا ماعندكش الزهر، ولا واخاا دير لي درتي عمرك ماغاادي تنجح، أتكون تتعااني من عقلية الضحية.

و غي بااش نكونوا وااضحين: ممكن تكون نتاا بصح ضحية فشي أوقاات و يكونوا النااس حاسدينك. و ممكن حتى أنك تكون فشي حالاات مسؤول على سعادة النااس فحيااتك بحاال يلا كنتي مزوج و عندك لولااد. هاادي مسؤولية دياالك. و لكن هااد 'مغالطة السيطرة' تيكون صااحبهاا تيباالغ بشكل كبيير، و تيجي معاهاا مشااكل أخرى لي غاادي نشوفوا.

3️⃣أمثلة أخرى من أرض الوااقع

1. بالنسبة لحب السيطرة

🔵 فالعلاقات ديالنا: الواليدين ممكن يحسوا بلي من واجبهم أنهم يخليو ولادهوم فرحاانين. ولا العكس: لولااد يحسوا بلي خااصهوم يخليو واليديهوم فرحاانين، ويلا وقع شي نقااش بين الطرفين، كل وااحد تيحس بالفشل.

🔵 فالخدمة: مدير يحس بلي خااصوا يتحكم فالناس لي خدامين معااه و يخليهوم يخدموا مزياان. ولا أستااذ يحس بلي خااصوا يتحكم فالتلاميذ و يخليهوم كااملين تيقرااو.

🔵 فالسوشل ميدياا: شي وااحد يحس بلي خااصو يتحكم فالنااس و يخليهوم يعلقوا بطريقة إيجاابية و يكونوا محترمين. و يلا ماكاانوش، تيمشي يجااوبهوم و يحااول يبدلهوم.

2. بالنسبة لعقلية الضحية

🔵 فحيااتنا الشخصية: تلوم واليديك على كيفااش نتاا دااير. و تقول كون واليدياا تعاملوا معاياا بشكل مختلف كون رااني داباا حسن، و تلومهوم على امور بسااط لي داارو، مع العلم أن كولشي دااز من أمور قااصحة فالطفولة ديالو.

🔵 فالخدمة دياالك: تقول أناا مايمكنش لييا نلقى خدمة لاحقااش هاد لبلااد فييها في بااك صااحبي، و أناا ماعنديش لي يدخلني نخدم.

🔵 فالقرااية: التلااميذ ولا الواليدين يقولوا بلي الأستااذ ماتيشرحش مزياان، دااكشي علااش ماجبتش نقط ولا مانجحش ولدي.

🔵 الأمهاات المغربياات تيقولوا عااود: ولدي رااه مزياان، غي صحاابوا لي خرجوا علييه.

🔵 فالسوشل ميدياا: إنساان تيلوح محتوى مفيد و لكن ماتيجيبش التفااعل، تيقول بلي النااس ماتتقدرش المحتوى ديالي و تيقلبوا غي على التفااهة بلااصة مايقلب على حلول لي أتنفعوا.

4️⃣ علااش هاادي خاايبة؟

⚫ هاادي تتخلينا فجوج ديال الوضعياات لي بجوج خاايبين: تحااول تحكم فالنااس و فكولشي غاادي يخليك ديماا مستريسي و تتحس بالفشل حيت مايمكنش تحكم فكولشي. و من نااحية يلا كنتي تاطيح فعقلية الضحية، ممكن تعااني من الإكتئااب لاحقااش تتشوف رااسك فواحد الحيااة لي ماراضيش عليهاا، و ماقاادرش تغيرهاا گااع.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"