عمرك حسيتي بلي رااك غاادي تفشل فشي إمتحاان قبل مادوزوا؟ يمكن كنتي بااغي دوز لبيرمي ولكن قبل ماتسجل، قلتي مع رااسك بلي ماغااديش تنجح فيه؟ أولاا، كنتي مقتنع بلي فااش اتساالي لقرااية، ماغااديش تلقى لخدمة من قبل!

يلا هاادشي تينطبق عليك غاادي تكون تتعاني من "مغالطة قراءة الطالع".

1️⃣شنو تتعني هاد المغاالطة؟

بإختصاار، هاادي هي فااش الإنساان تيتوقع وااحد المستقبل سلبي قبل مايوقع. تنفترضوا أن أسوء الأمور غاادي توقع. و هاادي ديجاا شفناهاا قبل فااش هضرناا على 'الإستنتاجات السريعة' و لكن داباا غاادي نتعمقوا فيها كتر.

2️⃣بااش تعرف رااسك تتفكر بهاد الطريقة؟

النااس لي تتلقاهوم تيفكروا بهاد الطريقة غالباا تيعانيو من هاد المشااكل:

🔴 تقدر ماتوجدش لإمتحاان غي حيت 'عاارف' رااسك بلي أتسقط فيه.

🔴 تبقى بووحدك فالداار حيت تقول وااخاا نخرج ماغااديش نلقى مايداار و ايجيني لقنط

🔴 ماتدفعش للخدمة فشي شركة حيت اتقول بلي اصلاا ديك الشركة كبييرة و فيهاا بااك صااحبي و ماغاديش يعيطوا لييا.

3️⃣أمثلة أخرى من أرض الوااقع

🔵 فالخدمة: قبل مادوز شي مقابلة عمل، تكون مأكد بلي ماغااديش يعيطو ليك حيت كااين شي وحدين لي حسن منك.

🔵 الصحة: يبداا يضرك رااسك و نيشاان تقول بلي فيك شي مرض خطيير

🔵 فالعلاقاات: تقول بلي رااجلك ولا مرااتك غاادي يتفاارق معااك من بعد ماتنااقشوا على شي حااجة بسيطة.

🔵 فالسوشل ميدياا: تقول بلي شي بوسط ماغااديش يجيب التفااعل و ماتلوحوش.

4️⃣ علااش هاادي خاايبة؟

⚫ هاادي خاايبة لأنهاا غاادي تسبب ليك الستريس، القلق، تنقص ليك لموتيڤاسيون، ماتخليكش تستمتع بالحااضر لاحقااش باالك ايبقى ديماا مشغول مع المستقبل، و عااد بسباابها اتضيع بزااف ديال الفرص فالحيااة.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"