كيفاش عقلك تيقولبك؟ و كيفاش تخلص من التفكير السلبي؟ - الجزء الخامس و الثلاثون
.png)
تحميل كتاب "عقلك، صديقك المقرب الجديد"
3️⃣ كيفااش يمكن لينا نتخلصوا من التفكير السلبي
🔵 أول خطوة هي الوعي: تيخصك تكون عاارف رااسك بلي تتفكر بطريقة سلبية حيت ماحدك ماعاارفش عندك شي مشكل، ماغااديش تمشي تقلب ليه على الحل.
و بالنسبة للتفكير السلبي، المشكل تيكون هو شي مغالطة فالتفكير. مثلا، يلا قلتي مع رااسك" عمري ماغاادي نتزوج لاحقااش مابقااوش ولااد النااس ولا بناات النااس"، هناا نتاا رااك طاايح فمشكل التعميم، لي هو من المغالطات المنطقية لولة لي شفناا.
و لي خااص لواحد يدير هو يحضي رااسو و يتناابه مزياان. فوق ماتلقى رااسك مستريسي ولا صااعر، سول رااسك شنو هي 'المغالطة المنطقية' لي مخليااني تنفكر بهااد الطريقة. رجع لدوك المغالطات لي شفناا و شوف إناا وحدة لي مسيطرة عليك فديك الحاالة.
🔵 ثانياا، خااصنا نقلبوا على الدليل بااش نتخلصوا من ديك الفكرة السلبية.
يلا عقلك قالك بلي "ماغااديش تزوج لاحقااش مابقااوش ولااد ولا بناات النااس" سول رااسك شنو هو الدليل على هاد لهضرة! و هناا عقلك غاادي يحاول يقنعك، غاادي يعطيك بعض الأفكاار بحاال التبرج لي كااين و دراري فلفاايس لي تيبقااو على لبنت قهوية، و عوتااني لبناات لي تتقولك على دراري مصديين.
عقلك غاادي يبغي يركز على هاد لبرااهش لي موسخيين السوشل ميدياا، و ايقول ها الدليل. و لكن، هذاا دليل على أنه كااينين برااهش مساليين راسهوم، مااشي دليل على أنه مابقااوش ولااد و بناات النااس.
هادشي علااش، تأكد مزياان من الدليل لي تيقولك عقلك و و يلا كاان شي حااجة سلبية، سول رااسك اسئلة بحاال: وااش هاادشي تينطبق على كولشي؟ وااش هاادشي لي تنشوف هو لي كااين؟ وااش مااشي ممكن يكونوا نااس من غير هاادوا لي تنشوف؟
🔵 ثالثاا، خااصنا نخلقواا وااحد الفكرة إيجاابية. داباا واحد لحااجة على لعقل ديالناا خاصنا نعرفوا هي أن دمااغنا تيكره الفرااغ.
ماايمكنش إنساان يبقى جاالس لمدة طوييلة بلا مايفكر فواالو. تقدر شي مراات تكون مرتااح ولا عياان ولا سااهي و ماتفكر فواالو گااع، و لكن هاادشي تيبقى لمدة قصيرة. من بعد دماغناا، تيشوف شي حااجة و تيفكر فيهاا. لاحقااش هكاا العقل دياالنا دااير.
و يلا حااولنا أنا حناا نتخلصوا من ديك الفكرة السلبية فقط، و مانعوضوهااش بشي فكرة إيجاابية، دمااغناا غاادي يرجع لديك الفكرة السلبية لاحقااش دمااغنا تيكره الفرااغ. علييها، من بعد ماتخلص من الفكرة السلبية، خااصك تبني فكرة جديدة فرااسك لي تكون معااكسة و مغاايرة لديك الفكرة لقدييمة لي تادير ليك الستريس و تتخليك مامرتااحش فحيااتك.
مثلاا، يلا الفكرة لقديمة كاانت هي أنه "مابقااوش ولااد و بناات النااس" الفكرة الجديدة أتكون هي "موجود ولااد و بناات النااس". يلا الفكرة لقديمة كاانت "تا وااحد ماتيبغيك" خااص الفكرة الجديدة تكون أنك "نتاا إنساان محبوب و النااس تيبغيوك". يلا كانت الفكرة لقديمة هي "نتاا مكلخ و غاادي تفشل" الفكرة الجديدة ممكن تكون "أناا غاادي ندير لي فجهدي، نقراا و نتعلم".
و لكن وااش هادشي كاافي؟ الجوااب هو لاا. مزاال خااصنا جوج حاجاات بااش هاد الفكرة الجديدة تااخد بلااصة لقديمة فخطراا.
إلا لقيتي هاد الأفكار تتنطبق عليك دخل لهاد الليان و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇
تحميل كتاب "عقلك، صديقك المقرب الجديد"
