مرحبا بيكوم! هاد البوسط هو جزء من أخر كتاب ديالي "عقلك، صديقك المقرب الجديد" كتاب لي تيوريك كيفاش تغير عقليتك، حياتك، وتجاوز جميع المشاكل النفسية بإستخدام العلاج السلوكي المعرفي. طيليشارجيو الكتاب باش تعمقوا فهاد الموضوع وتكتاشفو كيفاش تغلبوا على القلق و الإكتئاب خطوة بخطوة.👇👇

تحميل كتاب "عقلك، صديقك المقرب الجديد" 

و لي خاصك دير داباا هو تشوف إناا جاانب فحيااتك لي نتاا عندك المشااكل فيه. فإناا جاانب محن فحيااتك؟ وااش كااره رااسك لاحقااش عندك مشااكل فالقرااية، لخدمة، صحااب، المستقبل، الصحة دياالك، ولا شنو باالضبط. ختاار شي جاانب من حيااتك داباا لي بااغي تخدم عليه، و غاادي نعطيك بعض الأفكاار بااش تبداا، و لكن مهم انك نتاا تشوف حيااتك الخااصة، حيت هاادشي دياالي يقدر ينطبق و يقدر لاا، واخاا؟ 🐸

🔵 القرااية: ممكن تكون تتقول مع رااسك: "يلا ماجبتش مونسيون، رااني مكلخ و ماغااديش نتهز فحتى شي كونكور". فهااد الحاالة غاادي تكون نتاا تتحس بالنقص و بلي رااك فااشل بسبب جوج مغالطاات منطقية: تتشوف حياتك إماا كحل وإماا بيض، و تتوقع أن الأسوء غاادي يوقع. و كااين حتى مسألة انك تتعاير رااسك و تتوصف رااسك بمكلخ.

🔵 العلاقات: تتخرج تلاقاا شي بنت و تتقول شي حااجة لي حاامضة و تتكره رااسك، ولا تتقمعك هي، ولا تتجي معطلة و تخليك محنسر، ولا تتطرا ليك شي حااجة لي تاافهة و لكن ماتتقدرش تحيدهاا من رااسك. نتاا غاادي تقول بلي صاافي عمري ماغاادي نلقى لي يبغيني و ماعنديش الزهر. عوتااني طاايح فمشكل التعميم و تتوقع مستقبل لي خاايب، و هادشي تيخليك تحس بدااك العجز المكتسب لي هضرناا عليه من قبل.

🔵 الخدمة: تاتمشي تصاايب سيڤي و تاتدفع للخداامي، و تتعيط ليك شي شركة دوز اونطغوتياان، و نتاا مستريسي و مخلوع قبل ماتمشي دوز، تتسول رااسك شنو غاادي ندير يلا ماقبلونيش. بااينة عمري ماغاادي نخدم و أنبقى فهااد لبلااد دالحبس. عوتااني هناياا خديتي وااحد الحدث بسيط انك تمشي تدوز اونطغوتياان و كولشي تيبقى مع تيسير الله، و خليتيه يولي وااحد اليوم مصيري لي غاادي يحدد حيااتك. و لكن فالوااقع، گااع دوك الأمور لي تنقولوا حناا اتحدد حيااتنا و المصير ديالنا تتكون محطاات عادية، ادوز و أتجي محطاات اخرى.

🔵 فحيااتك الشخصية: تادير مع صااحبك تخرجوا السبت بالعشية. و تيجي هو نهاار السبت مع الظهر، تيسيفط ليك ميسااج و نتاا تتحس بيهاا. عقلك تيقولك شي مشكل غاادي يوقع، و فهاد الحاالة تيكون عندك الحق. صااحبك تيقولك ماغاديش يقدر يجي و نتا تتقوليه صاافي لي بااليك. و لكن مع رااسك، رااك تتفكر و تتقول علااش ماجااش. وااش درت ليه شي حااجة، و تتحس بلي نتاا مسؤول على هاادشي كاامل و تتحس بالذنب، و تتلوم رااسك نهاار كاامل.

🟢 داباا نوبتك: الأفكاار ديالنا هوما كولشي: كانوا أفكاار إيجاابية، غاادي تكون فرحاان فحيااتك، كنتي مصااب بالإكتئااب، راه أيكون المشكل فالأفكاار ديالك.

داباا شوف نتاا شنو هو الجاانب من حيااتك لي عندك مشااكل فيه كتر؟ يمكن عندك مشااكل فگااع الجواانب، و لكن داباا غاادي نشوفوا غي جاانب وااحد. شنو هي الفكرة لي مقنطااك و تتعااود بزااف فرااسك. شنو هي الفكرة؟

شنو هي المغالطة المنطقية؟ علااش هاد الفكرة مااشي منطقية، و بدلهاا بشي فكرة أخرى لي لوجيك كتر و أتخلييك مرتااح كتر فحيااتك.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"