تحميل كتاب "عقلك، صديقك المقرب الجديد" 

قبل كناا هضرنا على العجز المكتسب و كيفااش هو السبب الرئيسي للإكتئاب. و بااش نفكروا، العجز المكتسب هو ديك الحالة فاش الإنساان تيفقد الأمل و تيقولك، ماكااين لااش نحااول حيت حيااتي عمرهاا تبدل.

داباا غاادي نشوفوا حااجة ثانية لي تتسبب الإكتئااب لي هي المغالطات المنطقية، و كناا شفنا هادوا من قبل: دوك الطرق الخاطئة فالتفكير، فاش تتنسى ماتسيفط ميسااج لشي وااحد و تتقول مع رااسك بااينة غاادي يكون تقلق، ولا غاادي يبلوكيني، ولا أناا إنساان مامزياانش حيت ماجااوبتوش. و نرجعوا لقصة أمينة بااش نشوفواا كيفااش هاد المغالطات المنطقية تتخلي الوااحد معرض للإكتئااب بشكل كبيير.

2️⃣ قصة:

هضرناا على أمينة من قبل، بنت من الربااط فعمرهاا 19 عام و كان عزيز عليها الفن. بسبااب مشااكل مختلفة تعرضاات للإكتئااب و ولا التفكير ديالها سلبي بزااف و تتركز غي على المشااكل، و هاد الأفكاار السلبية و المغالطات المنطقية هوما لي خلااوهاا توصل حتى لإكتئااب حاد. انديروا أمثلة منهوم:

🔴 مغالطة التفكير بالأبيض و الأسود: أمينة ولاات تتشوف الرسم ديالها بهاد الطريقة: تتقول إماا داكشي ديالي وااعر و مثاالي، ولا عياان و ماكااين لااش نضيع وقتي فيه. و فااش كاانت تتدير شي خطأ بسيط، كانت تتحبس الرسم فخطراا و بداات تتخلى على حااجة لي مهمة فحيااتها.

🔴 الإفرااط فالتعميم: وااحد لمرة وااحد الدري قاليها بلي ماعجبااتوش واحد الرسمة ديالهاا، و هي قالت مع رااسها بلي گااع داكشي لي تترسم زيرو و مايستحقش الشهرة.

🔴 التفكير الكارثي: أمينة مع رااسهاا قالت بلي منين دااك الدري ماعجباتوش رسمة وحدة دياالها، رااه صاافي تا شي حد ماغادي تعجبوا شي حااجة و غي تمشي تشوف شي حرفة اخرى.

🔴 التقليل: أمينة ولاات مركزة غي على الخطأ لي داارت و نساات القيمة دياال دوك اللوحات و داكشي لااخور لي تادير. و كون شاافت دااكشي و فكراات راسهاا بلي راها رساامة موهوبة، كون رااه ماطاحتش فالإكتئااب، على الأقل بديك الدرجة لكبيرة لي تعرضاات لييها.

3️⃣ شنو هي قصتك نتاا داباا؟

هادوا هوما المغالطات المنطقية، و هوما جزء كبير لاش الإنساان تيعاني نفسيا و تيكون معدب فحيااتو. و يلا جلستي مع رااسك و تفكرتي شي نهاار لي كنتي مقلق ولا مستريسي ولا مكتئب، غاادي تلقى بلي رااك كنتي تتفكر بشي وحدة من هااد الطرق بلاا ماتحس. لاحقااش عوتااني تيباانو منطقيين و تيجيو بشكل طبيعي، دااكشي علااش ماتتفكرش تحدااهوم و تشوف وااش خاصهوم يتبدلوا ولا لا.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"