عمرك حسيتي بلي نتاا الإنساان الوحيد لي ماعندوش شي حد يفهموا، و يحس بيه؟ عمرك حسيتي برااسك منعزل على النااس، و بلي ماعندكش شي حد تمشي ليه فااش تضيق بيك الدنياا!؟

الإكتئااب تيخليناا نحسوا بالعزلة و بلي تاحد ماغاادي يفهمناا. تنكونوا عاارفين بلي حناا مكتئبين و ماتنبغيوش ان حناا نجروا معاناا بناادم و نعاودوا ليه المشااكل ديالناا، تنخاافوا أن داك الإنساان فااش يشوفناا على حقيقتناا و يعرف كيفااش تنفكروا، مايبقااش يبغيناا.

و لكن مااشي ضروري أن هاادشي يوقع، ممكن أن حناا واخا نعانيو من الإكتئااب، نخلقواا علاقات إيجاابية مع النااس، يكونوا عدناا أصدقااء لي نضحكوا معاهوم، نتيقوا فيهوم، و يوقفوا معاناا فاش نحتااجوهوم، و مانحسوش بالوحدة معاهوم. و فهاد الجزء، غاادي نتعلموا تقنياات بسيطة لي أتخليناا نتغلبوا على هاد الشعور بالوحدة و نتعلموا كيفااش نبنييو علاقات إيجاابية لي تزيد بحياتنا للقدام، تخليناا سعدااء، و تعااونا نتغلبوا على الإكتئااب.

2️⃣ كيفااش نتغلبوا على الشعور بالوحدة

🟢 تخلص من أفكاارك و معتقدااتك السلبية: غاادي تكون عندك شي فكرة فدمااغك لي تتخليك تبعد على النااس و ماتبقااش تهضر معااهوم. هاد الفكرة ممكن تكون أنك نتاا 'غاادي تقل على صحاابك و تكون عبئ عليهوم' ولا 'بلي نتاا ماتستحقش الحب و العلاقات و أن النااس يكونوا فحيااتك' ولا 'تاحد مايبغي يكون معااك'. المهم هو عندك فكرة سلبية فدمااغك و خااصك تخلص منهاا و تبدلهاا بااش تبدل الشعور ديالك و حيااتك.

🔵أمينة لي هضرناا عليهاا لحد الٱن فهااد الفصل، كاانوا عندهاا بزااف ديال الصحااب و لكن فااش تعرضاات للإكتئااب، مابقااتش تتلاقا بيهوم و حتى يلا هوماا جااو لعندهاا هي ماتتخرجش تلاقاهوم. و السبب كاان هو أنها تتقول مع رااسها بلي هي تبدلاات و عاارفة رااسها واخاا تلاقا بيهوم غاادي تجيب ليهوم القنط و تخليهوم يندموا لااش جااو لعندهاا.

و تا نتاا ايكون عندك فكرة بحاال هكاا. سول رااسك شنو هي الفكرة لي تتخليك تبعد على النااس. شي مراات تتلقاها دغياا و شي مراات تتكون صعيبة انك تلقاهاا. يلا ماكنتيش عاارف الفكرة، شد ورقة و ستيلو و كتب جملة 'أنا تنبغي نبقى فالداار بوحدي' و موراهاا كتب 'لاحقااش' و دير شي سهم --> و كتب السبب لااش تتبقى فالداار. هناياا عقلك يقدر يعطيك شي مبرر تاافه بحاال غي تنعگز و صاافي. ماتيقش بدااك المبرر الأول؛ هذااك دمااغك تيحااول ينكر الحقيقة.

دير سهم اخوور --> و كتب عوتااني 'لاحقااش' و غاادي تلقى مبرر ٱخوور. تقدر تلقى شي سبب تاافه عوتااني و تقدر تلقى السبب الحقيقي. السبب الحقيقي غالباا غاادي يكون أنك نتاا ماتتستحقش الحب و أن النااس يكونوا معااك. تبع هااد الطريقة حتى تلقى السبب الحقيقي، و فااش اتلقااه غاادي تعرفوا.

فااش تلقى السبب الحقيقي لي هو فكرة سلبية كيماا شفناا من قبل، غاادي يخصك تخلص منهاا بنفس الخطوات لي شفناا قبل. أولا، سول رااسك واش هاد الفكرة بصح ولا هي مباالغة فقط ولا هي رأي لي خديتيه فوقت لي كنتي حزيين. و فكر فگااع الأدلة لي تتبين أن هااد الفكرة غاالطة.

ثانياا، (و هاادي حااجة جديدة) كتب بااش هاد الفكرة السلبية تتخليك تحس (الحزن، الإكتئااب، الغضب) و كيفااش غاادي تحس منين تخلص منهاا (السعاادة، الثقة بالنفس، الرااحة النفسية). و خود وقت كاافي فهااد الخطوة. هااد المسألة اتخليك تحس بأن ديك الفكرة مامزياانااش و بلي خااصك تحيدهاا دغياا.

ثالثاا، من بعد كيماا قلنا من قبل، ماكافيش أنك تخلص من فكرة سلبية و صاافي. خااصك تبدلهاا بفكرة إيجاابية لي تكون مصدقهاا. ديك القضية ديال 'نتاا ماتستحقش الحب' غي عقلك تيكدب عليك و صاافي. بااش تلقى الفكرة الإيجاابية، سول رااسك شنو هي الحقيقة. و الحقيقة اتكون هي فكرة إيجاابية لي غاادي تيقهاا بحاال 'أنك إنساان مزياان و تستااهل الحب بحاالك بحاال أي وااحد'.

رابعاا، الفكرة بااش تلصق خااصها دليل قوي. فكر نتاا فگااع الأدلة لي يجيوك فباالك لااش هاد الفكرة الجديدة هي لي كااينة و ماكااين ما حسن. و بقاا تعاودها كيماا قلنا و خليها حدااك كل نهاار: فالصبااح، بالليل، ديرها فطيلي، بيسي، كتبهاا فيديك، فورقة. المهم هو هااد الفكرة تولي على طرف لساانك و فدمااغك.

و شحاال ماعاودتي هاد الفكرة و ولاات جزء منك، شحاال ماغاادي تولي مرتااح كتر انك تهضر مع النااس، تلاقا بيهوم، و تحس بلي رااك تستااحق الحب و تكون فرحاان و مرتااح كتر فحيااتك.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"