تحميل كتاب "عقلك، صديقك المقرب الجديد" 

الإكتئااب تيخربق النعااس ديالنا. تيخليك إماا ماتنعسش فخطراا ولا تتبقى النهاار كاامل نااعس بااش تهرب و تنسى المشااكل لي عندك. و شي مراات تتنعس و تتصدق تتحلم بگااع دوك المشااكل لي عندك.

كيماا قلت من قبل النعااس و الإكتئااب دااير بحاال مسألة الدجاجة و البيضة و السؤال ديال شكون لي تيسبق. تا هنااياا عدنا نفس السؤاال: وااش النااس لي تيعاانيو من الإكتئااب تيتخربق ليهوم نعااسهوم، ولا النااس لي ماتينعسوش مزياان، تيتصاابوا بالإكتئااب.

و فهااد الجزء غاادي نشوفوا عاداات بسيطة لي ممكن تدير بااش تقااد نعااسك، ترجع تنعس بكري، تنعس 8 دسواايع كااملة بلا ماتفيق فوسط الليل، و فااش تفيق تكون مرتااح نفسياا و جسدياا.

2️⃣ قصة:

عاقلين على أمينة؟ بنت لي عندهاا 19 سنة من الربااط، تا هي كاانت مااتتنعسش مزياان، و تتبقى فاايقة و تتقلب فلفرااش، و تتفكر فگااع المشااكل و الأخطااء لي داارت فحيااتها. و تا اناا فواحد الوقت فااش كنت تنعااني من الإكتئااب، كنت مراات تنعس ساعتااين و مراات 12 سااعة، و لكن فيهوم بجوج كنت تنبقى نفكر الليل كاامل و الصبااح تنفيق و انا عياان قبل من اللحظة لي نعست فيهاا. و هادوا بعض الأمور لي درت بااش نقااد نعااسي.

3️⃣ كيفااش تقااد نعااسك

🟢 أولا خااص تكون عندك الرغبة: أناا حالياا تنكتب هاد الجزء فاللخر ديال شهر غشت، بالضبط نهاار 30 فيه و حالياا تنعس معطل تال 3 ولا 4. فااش تنعس، ماتنفيقش وسط الليل و تنفيق مرتااح، يعني ماعنديش مشكل ولا نعاسي مضطرب، غي تنعس معطل. و حالياا ماعنديش الرغبة فاني نبدا نعس بكري ولا أني نطبق هاد النصاائح لي غاادي نقولكوم 🐸 لاحقاش تنستمتع بهادشي اللخر لي بقا فالعطلة.

و لكن يلا كاان نعااسي بصح مضطرب و كنت بااغي نقااد نعااسي فياماات لقرااية، هاادشي غادي ينفعني لاحقااش اناا عندي الرغبة. و هادي اول حااجة خاصها تكون بااش تقاد نعااسك و دير أي تغيير فحيااتك.

⚪ علااش؟: أغلبية النااس عارفين شنو خاصهوم يديروا بااش يغيروا أي حااجة فحياتهوم، و حتى يلا الإنساان كان ماعارفش، يمكن ليه بسهولة يبحث على المعلومة. الحااجة لي تتخلي الناس واحلين مااشي هي انهم ماعارفينش شنو يبدلوا فحياتهوم، و لكن الرغبة ماكااينااش. يلا كنتي تتقراا، أنفترض بأنه عندك الرغبة بااش تقااد نعااسك و انكملوا فبقية النصاائح.

🟢 تغلب على أفكاارك السلبية: غالباا عندك شي فكرة سلبية فدمااغك. يمكن وقع ليك شي مشكل و تتفكر فيه ولا ماراضيش على شي حااجة فحيااتك. مثلا: أمينة كاانت ماراضيااش على حياتها و تتفكر بلي عمرهاا ماغاادي طفروا و توصل لأهداافهاا. و ديجاا شفنا الطريقة كيفااش نتخلصوا من هااد الأفكاار.

أولا، شنو هي الفكرة السلبية لي عندك. تقدر تكون تانتا عندك أنك ماغااديش تنجح فحيااتك. ثانياا سول رااسك وااش هاد الفكرة صحيحة 100٪ ولا هي مباالغ فيها، و قلب على جميع الأدلة لي تتبين أن هااد الفكرة غاالطة. ثالثاا، شنو هي شي فكرة جديدة لي تعوض الفكرة لقديمة لي كانت عندك و محيدة ليك النعااس.

مثلاا، يلا الفكرة لقديمة هي 'ماغااديش نوصل لدااكشي لي بااغي فحيااتي' و هاد الفكرة تتبقى مفيقااك بالليل. الفكرة الجديدة ممكن تكون 'غاادي ندير لي علييا و ربي غاادي يعااوني'. رابعاا، شنو هو الدليل على هاد الفكرة الجديدة. الدليل هو شي حااجة بسيطة لي اتخليك مأكد بلي بصح ربي عمروا غادي يخيبك. تقدر تقول بلي ربي ديماا تيعطيني داكشي لي بااغي، ديجاا عندي شحال من حااجة زوينة، و كاينين نااس لي قرااو نفس ديبلوم ديالك و صلوا لداكشي لي بغااو.

من بعد اتولي هاد الفكرة الجديدة تتااخد بلاصة لقديمة. و الطريقة بااش تااخد بلاصتها دغياا هي تكتبها فطيلي عندك، فشي ورقة، فبيسي، ديرهاا فسطوري دواتسااب كل نهاار، تخرج تجري و قولهاا بالغواات. المهم هو انك تخلي هاد الفكرة فباالك مااشي تقولهاا ليوم و تنسااها غداا. فكر رااسك بيها كل نهاار حتى تولي بحاال شي اغنية لاصقة فودنيك و تتعااود فدمااغك.

⚪ علااش؟: كيماا قلناا اتبدل أفكاارك، اتبدل حتى شعورك بااش تتحس، و السلوك ديالك لي هو تنعس معطل ولا ماتنعسش و تفيق بالليل بزااف دالمراات غادي يتبدل.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"